Լաչինի միջանցքի արգելափակման հետ կապված ԱՄՆ-ն չի պատրաստվում պատժամիջոցներ կիրառել Ադրբեջանի դեմ։ Այս մասին «Ազատություն» ռադիոկայանի հայկական ծառայության հետ զրույցում նշել է Հարավային Կովկասում բանակցությունների հարցերով ԱՄՆ Պետդեպարտամենտի ավագ խորհրդական Լուիս (Լու) Բոնոն։ Նա փոխանցմամբ՝ Վաշինգտոնը գտնում է, որ պատժամիջոցները կխանգարեն «խաղաղության» գործընթացին։
«Հիմա պատժամիջոցների ժամանակը չէ: Ես այստեղ եմ՝ երկու կողմերի հետ աշխատելու, նրանց խաղաղության տանելու համար: Պատժամիջոցները հակառակ արդյունքը կտան: Սա նույնիսկ չի էլ քննարկվում այս պահին»,-նշել է Բոնոն։ Նա ընդգծել է նաև, որ այս գործընթացում ԱՄՆ-ի դերը միջնորդությունը չէ, այլ խաղաղությունը հեշտացնելը:
«Մենք այստեղ չենք տեքստ պարտադրելու, կողմերից որևէ մեկի վզին պայմաններ փաթաթելու համար: Այն, ինչ մենք փորձում ենք անել, խաղաղությունը հեշտացնելն է: Նկատի ունեմ, որ մենք ուզում ենք՝ կողմերն իրենք մշակեն տեքստն ու պայմանները և միասին ընդունեն դրանք: Նրանք պետք է դրա վրա միասին աշխատեն, որովհետև ցանկացած երկարատև, կայուն և հավասարակշռված խաղաղություն պետք է կողմերից գա: Այն չի կարող գալ երրորդ՝ դրսի կողմից»,-հայտարարել է Բոնոն։
Լրացուցիչ տեղեկությունների համար այցելեք կայք