Մարտի 13-ին Լոս Անջելեսի «Դոլբի» թատրոնում տեղի է ունեցել ամերիկյան կինոակադեմիայի 95-րդ «Օսկար» մրցանակաբաշխությունը։ Thesymbol.ru-ն ներկայացնում է «Օսկարի» ժամանակ տեղի ունեցած իրադարձությունները, որոնք հատկապես դաջվել են մեր հիշողության մեջ: Կայքն առանձնացրել է դրանցից 12-ը։
Երազանքի զույգը
Ռիչարդ Գիրն ու Սինդի Քրոուֆորդը դարձել են կինոմրցանակի պատմության ամենագեղեցիկ զույգերից մեկը՝ ձեռք ձեռքի տված կարմիր գորգի վրա հայտնվելով 1991 թվականին։ Սա նրանց առաջին համատեղ հայտնվելն էր որպես պաշտոնական զույգ։ Միջոցառման համար Սինդին ընտրել էր անհավատալի դեկոլտեով կարմիր Versace զգեստ, որն ընդգրկված է «Օսկար»-ի լավագույն հագուստների ցուցակներում։
Ջենիֆեր Լոուրենսի անկումը
Ջենիֆեր Լոուրենսը 2012 թվականին ստացել է «Լավագույն դերասանուհի» մրցանակը «Իմ ընկերը խենթ է» ֆիլմի համար, որում նա նկարահանվել է Բրեդլի Կուպերի հետ։ Սակայն բաղձալի արձանիկը ստանալն այնքան էլ հարթ չէր. դերասանուհին ընկել էր աստիճաններին՝ բռնելով զգեստի ծայրը։
Համբույր բեմի վրա
Կինոմրցանակաբաշխության ամենառոմանտիկ, գեղեցիկ և անսպասելի անակնկալներից մեկը տեղի ունեցավ 2003թ. Այն ժամանակ երիտասարդ դերասան Էդրիեն Բրոուդին բեմ բարձրանալով «Դաշնահարուհին» ֆիլմում լավագույն դերասանի մրցանակի համար՝ կրքոտ համբուրեց Հոլլի Բերիին, որը նրան հանձնեց արձանիկը։
Հենց այդ սելֆին
«Օսկարի» յուրաքանչյուր արարողություն իսկապես պատմական իրադարձություն է, քանի որ տարվա ցանկացած այլ օր հազիվ թե մեկ տարածության մեջ հանդիպես «A-list»-ի այսքան աստղեր: 2016 թվականին հեռուստահաղորդավարուհի Էլեն Դեջեներեսը, որը նաև վարում էր մրցանակաբաշխությունը, որոշեց անմահացնել պատմական պահը լուսանկարում։ Իր սոցիալական ցանցում Էլենը լուսանկարը մակագրել է այսպես. «Ափսոս, որ Բրեդլիի ձեռքերը բավականաչափ երկար չեն։ Ով գիտի, թե դեռ քանի հայտնի մարդկանց կարող էին տեղավորել այս լուսանկարում»։
Երջանկության թռիչքներ
Ռոբերտո Բենինին բառացիորեն ուրախությունից թռչկոտում էր, երբ 1999 թվականին Սոֆիա Լորենից լսեց իր անունը՝ որպես լավագույն արտասահմանյան ֆիլմ մրցանակի դափնեկիր։ Իտալացի ռեժիսորը և «Կյանքը գեղեցիկ է» ֆիլմի գլխավոր դերակատարը առաջ է շարժվել հանդիսատեսի նստատեղերի վրայով։
Ամենաերիտասարդ հաղթողը
Դերասանուհի Թաթում Օ'Նիլը 1974 թվականին 10 տարեկանում արժանացել է «Օսկար»-ի։ Ռայան Օ'Նիլի դուստրը հաղթող է ճանաչվել «Թղթե լուսին» ֆիլմի երկրորդ պլանի լավագույն դերասանուհու անվանակարգում, որտեղ նա նկարահանվել է հոր հետ:
«Լավագույն ռեժիսոր» անվանակարգում հաղթած առաջին կինըԿինոմրցանակաբաշխության ողջ պատմության ընթացքում կանայք ընդամենը 7 անգամ են առաջադրվել «Լավագույն ռեժիսոր» անվանակարգում, իսկ երեք անգամ՝ շահել։ Ցանկալի արձանի առաջին սեփականատերը Քեթրին Բիգելոուն էր. 2008 թվականին նա հաղթեց այս անվանակարգում իր «Փոթորկի տիրակալը» ֆիլմով: Դրանից հետո լավագույն ռեժիսորի անվանակարգում հաղթել են Քլոե Չժաոն («Քոչվորների երկիր», 2021թ.) և Ջեյն Քեմփիոնը («Շան ուժը», 2022թ.)։
Վիճահարույց մրցանակ1969 թվականին այն ժամանակ երիտասարդ 26-ամյա Բարբրա Սթրեյզանդը և «Օսկարի» 11-րդ անգամ առաջադրված Քեթրին Հեփբերնը ստացել են ժյուրիի ձայների հավասար քանակ՝ 3030-ական։ Հեփբերնը չի ներկայացել արարողությանը, և Բարբրան, ի վերջո, ստացել է իր դեբյուտային մրցանակը «Առյուծը ձմռանը» ֆիլմի համար։ Սթրեյզանդի թափանցիկ զգեստը նույնպես լեգենդար է դարձել։
Անջելինա Ջոլիի ոտքը
2012 թվականին Atelier Versace-ի թավշյա զգեստը Անջելինա Ջոլիին դարձրեց ամենավիրուսային համացանցային մեմերից մեկը։ Արտասովոր սադրիչ կտրվածքի շնորհիվ թվում էր, թե դերասանուհու ոտքը ուրույն կյանք է ունեցել, ինչը խթանել է համացանցի հարյուրավոր օգտատերերի ֆանտազիան՝ ստեղծելու այս լուսանկարի իրենց տարբերակը: