Бишкектеги мектептерде коопсуздукту камсыздоо жана тартипти жакшыртуу максатында жүзөгө ашырылып жаткан "Коопсуз шаар" долбоорунун алкагында 218 видеокамера орнотулду, анын ичинде 144 камера ишке киргизилди.
📹 Бишкектеги мектептерде видеокөзөмөл камераларын орнотуу иштери уланууда.
🏫 Учурда “Коопсуз шаар” долбоорунун алкагында 109 мектепте 218 видеокөзөмөл камерасы орнотулду, анын 144ү ишке киргизилип, Бишкек шаарынын ГУВДнын абалдык борборуна туташтырылган.
🔧 Азыркы учурда кошумча камераларды орнотуу жана баштапкы орнотулган камералардын иштөө жөндөмдүүлүгүн текшерүү иштери жүрүп жатат, аныкталган кемчиликтерди жоюу боюнча иштер жүргүзүлүүдө.
👮♀️ Видеокамераларды орнотуу окуучулардын коопсуздугун камсыздоо менен катар, тартипти жакшыртууга, зомбулук жана башка терс көрүнүштөр менен күрөшүүгө жардам берет.
🕵️♂️ Камералардын жүздөрдү таануу сыяктуу жогорку технологиялык мүмкүнчүлүктөрү кылмыштарды жана укук бузууларды аныктоодо маанилүү роль ойнойт, бул ар кандай кырдаалдарды алдын алуу үчүн тез чара көрүүгө мүмкүндүк берет.
🏢 Камераларды орнотуу иштери Бишкек шаарынын мэриясы тарабынан колдоого алынып, каржыланган.