“Роспатентта Башҡортостандың йәнә бер төбәк бренды теркәлде. Ул – Аҫалы башҡорт балаҫы”, - тип яҙҙы Федерация Советының фән, мәғариф һәм мәҙәниәт буйынса комитеты рәйесе Лилиә Ғүмәрова үҙенең телеграм-каналында. Был – Башҡортостандың географик күрһәтмәле өсөнсө бренды. Быға тиклем Мансур граниты һәм Башҡорт шәле брендтары теркәлде. Барлығы республиканың ун патенты бар. Әлеге мәлдә Рәсәй реестрында 369 уникаль тауар теркәлгән. Төбәк бренды – ул төбәктең визит карточкаһы, шулай уҡ иҡтисад үҫешенә йоғонто яһай торған ҡеүәтле инструмент. Фото балаҫ һуғыу оҫтаһы Гүзәл Мостафинаның социаль селтәрҙәге сәхифәһенән алынды.