Бишкек шаарында жана Ош облусунда мектептеги жаңжалдардан улам балдардын каза болушуна байланыштуу ички иштер органдарынын жетекчилери кызматтан бошотулду, 19 кызматкер тартиптик жоопкерчиликке тартылды.
📰 Кыргыз Республикасынын Ички иштер министрлигинин борбордук аппаратында онлайн-жыйын өттү. Жыйынды ички иштер министринин орун басары Октябрь Урмамбетов алып барды.
👮♂️ Жыйында Бишкек жана Ош облустарындагы аймактык бөлүмдөрдүн иши катуу сынга алынды. Бул сынга мектептеги чыр-чатактарда балдардын каза болушуна байланыштуу кырсыктар себеп болду.
⚖️ Ленин райондук ички иштер башкармалыгынын кызматтык ишинде кетирилген кемчиликтерден улам, бир катар жетекчилер кызматынан бошотулду. Алардын катарында УВДнын орун басары Нарис Кыдырбаев, ГОМ №2 жетекчиси Талгат Бердибеков, ИДН жетекчиси Акылбек Абдимуталов жана ГОМ №2 орун басары Айдар Асакеев бар.
🔍 Ошондой эле, Кара-Суу райондук ички иштер башкармалыгынын жетекчилери да жоопкерчиликке тартылды. РОВДнын жетекчиси Тилек Омуралиев, орун басары Сталбек Суюнов жана ПОМ жетекчиси Муратбек Айтиев кызматынан бошотулду.
📋 Бишкек шаарынын Ленин райондук ички иштер башкармалыгынын жана Ош облусунун Кара-Суу райондук ички иштер башкармалыгынын 19 кызматкери функционалдык милдеттерине шалаакылык мамиле кылганы үчүн тартиптик жоопкерчиликке тартылды.