Бишкекте КР Эмгек министрлиги менен Катар кайрымдуулук уюмунун филиалынын ортосунда балдарды, ден соолугунун мүмкүнчүлүгү чектелген адамдарды жана жакыр катмарды колдоого багытталган кызматташуу меморандумуна кол коюлду. Макулдашуу кайрымдуулук программаларын ишке ашырууну жана социалдык жардам жаатында өнөктөштүктү бекемдөөнү камтыйт.
🤝 Бишкекте Эмгек министрлиги менен Катар кайрымдуулук уюмунун ортосунда кызматташуу боюнча меморандумга кол коюлду.
🌍 Документке Эмгек министри Равшанбек Сабиров жана Катар уюмунун филиалынын аткаруучу директору Абдулкадир Аль Имам Аль Башир кол коюшту.
🤲 Меморандумдун негизги максаты – социалдык жардам жаатында өнөктөштүктү бекемдөө жана балдарды, мүмкүнчүлүгү чектелген адамдарды жана жакыр катмарды колдоого багытталган программаларды ишке ашыруу.
💼 Кызматташуу Катар уюму тарабынан каржыланган кайрымдуулук программасынын алкагында ишке ашырылат.
🙏 Равшанбек Сабиров Катар уюмунан алынган жардамдын маанилүүлүгүн белгилеп, Кыргызстандагы социалдык долбоорлорго көп жылдардан бери колдоо көрсөтүп келе жатканына ыраазычылык билдирди.
🎁 Буга чейинки демилгелердин алкагында Катар уюму муктаж болгондордун жашоо шартын жакшыртуу үчүн 650 коляска, тигүүчү машиналар, кийим-кече жана башка керектүү буюмдарды алып берген.
💪 Кыйын кырдаалдагы адамдарды колдоо эки тараптын тең орток максаты бойдон калууда.