Яңыраҡ яҡташыбыҙ, Федоровка районының Бала-Сытырман ауылында тыуып үҫкән яугир тыуған яғына ҡыҫҡа ваҡытлы ялға ҡайтты. Махсус хәрби операция башланғанға ҡәҙәр ул Себерҙә эшләй. Һуғышты фильмдәрҙә генә түгел, ысынбарлыҡта ла уның эҙемтәләрен үҙ иңендә татыған, Чечня биләмәһендәге хәрби хәрәкәттәрҙә ҡатнашҡан, хәрби тәжрибәгә эйә яугир ул. Әле һалдат Ватан именлеген һаҡлай.”Бомба”позывнойлы яугир һалдаттарҙың көнкүреше, уларға ниндәй ярҙам кәрәклеге хаҡында һөйләне. – Һәр һалдаттың тормошонда баһалап бөтмәҫлек ғәжәп бер көс бар, ул – яу яланында һынауҙар эсендә тыуған дуҫлыҡ. Беҙ бер-беребеҙҙе, ниндәй милләттән булыуына ҡарамаҫтан, “ туған” тип атайбыҙ. Маҡсат та бер: Тыуған ил халҡын һәм уның суверенитетын һаҡлау. Командирыбыҙ “Джаффар” ҙа яҡшы кеше. Ғәҙел, талапсан, кәрәк саҡта, ярҙамға килә. Үлем яҡын ерҙә бөтә тойғолар киҫкенләшә. Һәр позицияла хәл төрлөсә. Беҙ Луганск Халыҡ Республикаһы биләмәһендә һуғышабыҙ. Блиндаждарҙа йәшәйбеҙ, мөмкинлек булғанда, ашарға үҙебеҙ әҙерләйбе