Кәбисә йылының һуңғы көндәре лә тыныс ҡына уҙырға йыйынмай, берәм-берәм кешеләрҙе сүпләүен дауам итә. Бөгөн тағы ла ҡайғылы хәбәр алдыҡ: хеҙмәтәшебеҙ, “Аманат” журналының баш мөхәррир урынбаҫары Рәзил Айрат улы Бикбулатов вафат булған. Ул үҙ эшен бик яратып башҡарған, балаларҙа матбуғатҡа һөйөү уятыуға тос өлөш индергән, йәмәғәт эшендә әүҙем ҡатнашҡан ҡәләмдәшебеҙ ине. Рәзил Айрат улы Бикбулатов 1975 йылдың 1 мартында Архангел районының Архангел ауылында тыуған. Хеҙмәт юлын 1993 йылда Йылайыр районының “Ауыл уттары” гәзитендә башлай. Бер йыл эшләгәндән һуң Башҡорт дәүләт университетына уҡырға инә. Студент йылдарында “Башҡортостан” телерадиокомпанияһында хәбәрсе, алып барыусы, мөхәррир була. 2004 – 2006 йылдарҙа – “Йәшлек” гәзитендә хәбәрсе, 2006 – 2008 йылдарҙа – “Берҙәм Рәсәй” партияһының төбәк бүлексәһенең агитация-пропаганда эше бүлегенең әйҙәүсе белгесе, 2008 – 2013 йылдарҙа – Зәки Вәлиди исемендәге Милли китапхананың мәғлүмәт технологиялары һәм йәмәғәт бәйләнеше буйынса директор у