Жусуп Баласагын атындагы Кыргыз улуттук университетинде азербайжандык акындын 140 жылдыгына арналган “Түрк дүйнөсүнүн уулу Салман Мумтаз” китебинин бет ачары болуп өттү. Автору Шалала Ана Гумбатли, иш-чара белгилүү инсандар менен студенттердин башын бириктирди.
📚 Жусуп Баласагын атындагы Кыргыз улуттук университетинде белгилүү азербайжан акыны Салман Мумтаз тууралуу китептин бет ачары болуп өттү.
🎤 Иш-чарага борбордун директору Кайрат Осмоналиев жана Бишкектеги азербайжан диаспорасынын жетекчиси Хансывар Бахшалиев баш болгон белгилүү маданият жана илим ишмерлери катышты.
📖 “Түрк дүйнөсүнүн уулу Салман Мумтаз” китеби Улуттук илимдер академиясынын улук илимий кызматкери, доцент Шалала Ана Гумбатли тарабынан жазылып, Түрк тилдүү мамлекеттердин саясатын колдоо фондунун буйругу менен жарык көрдү.
🖊️ Салман Мумтаз 1884-жылы 20-майда туулган, акын гана эмес, жазуучу, адабият таануучу жана азербайжан адабиятына чоң салым кошкон орто кылымдагы кол жазмаларды жыйноочу да болгон.
🌍 Китептин бет ачарында түрк элдеринин маданий мурастарын сактоо жана жайылтуу маанилүүлүгү баса белгиленет.