Баткенде 2 га жайыт жеринин мыйзамсыз менчикке өткөрүлгөнү аныкталды. Жергиликтүү өз алдынча башкаруу органдары тарабынан 2007-жылы бул жер мыйзамсыз жеке менчикке берилген. Жер ээси аны кайтарып берди. Текшерүүлөр уланууда.
🇰🇬 Баткен облусунда 2 гектар пастбищ жердин жеке менчикке мыйзамсыз өткөрүлүп берилгени аныкталды.
🔍 2007-жылы Баткен шаарынын жергиликтүү өз алдынча башкаруусу Чет-Булак кварталындагы Курманжан-Датка көчөсүндө жайгашкан пастбищ жерлерди трансформациясыз жеке менчикке өткөрүп берген.
📄 Жүргүзүлгөн тергөө-оперативдик иш-чаралардын натыйжасында жердин ээси Б.С. аталган 2 гектар жер тилкесин Баткен шаарынын мэриясынын муниципалдык менчик департаментине ыктыярдуу кайтарып берди.
🕵️ Учурда ушундай эле фактыларды аныктоо боюнча тиешелүү текшерүү иштери улантылууда.