Кыргызстандыктар Москвада өтө турган эл аралык музыкалык «Интервидение» сынагына катыша алышат. 16 жаштан жогорку таланттар 28-мартка чейин арыз бере алышат. Байге фонду 300 миң евро.
🎶 Кыргызстандын таланттуу жарандары быйыл Москвада өтүүчү «Интервидение» эл аралык музыкалык сынагына катыша алышат.
📅 Кыргыз Республикасынын Маданият, маалымат жана жаштар саясаты министрлиги 2025-жылдын 28-мартына чейин катышуучуларды тандоо үчүн арыздарды кабыл алат.
🏆 Сынакта Кыргызстандын намысын коргоо үчүн 16 жаштан жогорку курактагы катышуучулар чакырылат. Негизги байге 300 миң евро.
🌐 Арыз формаларын министрликтин расмий баракчасынан жүктөп алып, intervidenie.minculture@mail.ru электрондук дарегине жөнөтсө болот.
🎤 «Интервидение» эл аралык музыкалык сынагы 2025-жылдын сентябрында Москвада өтөт жана аны Россиянын президентинин жарлыгы менен өткөрүү пландалууда. Бул сынак «Евровидение» сыяктуу эл аралык деңгээлдеги иш-чара болуп саналат.
💰 Россия өкмөтү бул иш-чара үчүн 750 миллион рубль бөлгөн. Сынакка БРИКС, ШОС, КМШ, Жакынкы чет өлкөлөр, Латын Америкасы жана Борбор Азиядан өлкөлөрдүн катышуусу күтүлүүдө.
🌍 Жыйырмага жакын өлкө бул иш-чарага катышууга кызыкдар. Россияны Shaman аттуу аткаруучу көрсөтөт деп күтүлүүдө.
📜 «Интервидение» сынагынын эрежелери азырынча жарыялана элек.