Сәлам, дусларым-матурларым! Бу язманы 19 декабрь яза башлаган идем инде. 2013 елда, 27 яшемдә минем авырлыгым максимум 103 кг менгән иде

Сәлам, дусларым-матурларым! Бу язманы 19 декабрь яза башлаган идем инде. 2013 елда, 27 яшемдә минем авырлыгым максимум 103 кг менгән иде, тормыш сәбәпле Казаннан кире Түбән Камага күчтем. Әнием мине ике ел эчендә рәткә кертте, диета, спорт мин 2015 елга 73 кг. Матур гына түгел , ШӘП фигуралы булдым, баштагы уй-фикерләрне рәткә керттем!

Тагын көч җыеп Казанга күчтем! Татар телендә блог алып бара башладым. Торшым тәгәри, гомер уза, 2021 декабрь аенда минем авырлыгым тагын да макимумга менә! Авылдан кайтып үлчәнүем булды 105 кг!!! Беренче ябыкканда мин блогер түгел идем, һәм эчемдә шундый хыял бар иде! Кире тазарып, блогта кире ябыгып күрсәтәсе килде, янәсе карагыз ничек җиңел, хәзер мин сезгә мотиватор булам дип! Бөтен кешегә "Ринат кайда тазарсың???" дигәч "Бу минем спец проект, махсус тазарам!" дип көлеп әйтәм идем! Бу берничә елга сузылды, контрольдән чыкты! Әйе, мин бик нык ялгыштым!

Исегездә төшерегез ничә тапкыр мин сезгә "Булды ябыга башлыйм дип, күзәтеп барыгыз!" дип яза идем.  -5, -10 килаграмга да ябыккан булды, ләкин бу озакка түгел иде! Көлеп язучылар да күп иде, "Татар Малай ничә ел ябыгасың син дип!?"

Ябыкканда режим кирәк шул, күп нәрсәдән баш тартырга. Ә блогер тормышы, тегендә бәйрәм, монда фуршет, сыра, дуслар, диванда ятып постлар язу.. спорт дигән нәрсә телевизор аша гына карау калды, гаиләле булу да буш вакыт бирми иде кебек!

Үзем аңлыйм, блогер - матур, акыллы, төз фигуралы,башка кешеләргә үрнәк кеше булырга тиеш! Ә кайда монда.... бер центнерлы татар малае....

Бу юлы икенче ысул белән бардым, чираттагы йөзенче тапкыр "Дусларым-матурларым, диетага, ПП утырам дип язмадым. Тыныч кына итеп "Ринат давай син башта ябыгасың, форманны элекегә кайтарасың, аннары инде мотивацион язмаларыңны ябыгу турында яза башлыйсың!" дип үземә сүз бирдем!

Менә бу көн килеп җитте "Ябыктым!" дип язасы килә, ләкин бүген дөрес туклану режимында 5 көн генә! 🤷🏼‍♂️ Результатлар бар, ләкин мактанырлык түгел, күп очракта беренче көннәрдә су китә диләр. Бу язмаларның асылы, ябыгу башлаганда нинди каршылыклар, отмазкалар килеп чыкканын язырга. Ул миндә генә түгел гомүмән барлык кешеләрдә килеп чыга!

Әйткәнемчә 21 декабрь якшәмбе "Булды җитте бүген башлыйм!" дидем, дүшәмбене дә көтмим, яңа елдан соң да дип әйтмим, менә хәзер, бу минуттан ябыга башлыйм! Бу фикерләрне җыеп туплар өчен дүрт, биш, алты ел узды бит инде Ринат дип үзем үзем белән сөйләшәм! Бүгеннән и точка!

Менә шул көннән отчет башланды! И беләсезме нәрсә, шул ук арада башланды: то бәйрәм, то фуршет, то коорпоратив, то ресторанга чакыралар ....ләкин мин бирешмим...барам ансы, ләкин бер ризыкка да кагылмыйм! Ринат түз ябыккач та була ул бәйрәмнәр дидем. Кеше сине хөрмәт итсә, сине аңлар, "Аша инде!" дип кыстамас. Андый моментта су тотып, кырыйда басып бәйрәм итәм. Авыр әйе, нишләтәсең. Ә башта уйлар, "Ринат бар да яхшы, киләчәгең турында уйла!"

Беренче ябыгу җиңел булып тоелган иде, мактанып йөрдем "Бик җиңел дип" Җиңел булды чөнки Әнием гел парда ризык әзерләде, тренажерлар өйдә иде! Режим хоп-хоп ике ел эчендә - 30 килограмм!

Бу юлы да шул ысыул белән барырга булдым, Илүзәм булыша, аерым дөрес туклану ризыклары пешерә! Спорт дигәндә, үзем өйдә генә физарядка ясыйм дидем, минем ябыгу проекты бөтен кеше майтарып чыгарлык булырга тиеш дидем.

Өченче көнгә үк отжимания, пресс күнегүләре ясар өчен инвентарь алдым, подтягивание, йөгерү урамда булыр дип план кордым. Әле бу сүзләрне язганда коралларга бер подход та тотынып та карамадым, әле бу киләчәк хыяллар гына бит!

Хәзер иртәнге сәгать 7 , бу язманы әйтәсе сүзләремне отнытмаска дип язам! Үземәдә файдалы булыр киләчәктә укырга, ничек ябыгуны башлаганмын икән, тагын бик җиңел булды мы икән дип. Ярар бүгенга тәмамлыйм, карыйбыз ничек алда барыр минем ябыгу проекты! Но алдан әйтәп куям, минем ябыгу процессны күрмәячәксез, нәрсә ашаганны, физкультура белән шөгыльләнгәнне, бер постта да, сторисларда да чыкмаячак! Сер итеп кенә язам, бу язмам чыкса димәк әз булсада уңышларга ирешкәнмен икән!