Արցախի արտաքին գործերի նախարար Դավիթ Բաբայանը Armenia Today-ի հետ զրույցում միջազգային իրավունքի աղաղակող խախտում է համարել Ադրբեջանի կողմից Արցախի օկուպացված տարածքներում մշակութային ցեղասպանության իրականացման ծրագրերը: «Դա միջազգային իրավունքի աղաղակող խախտում է, դա պարզապես ֆաշիզմ է և նացիզմ։ Այլ բացատրություն մենք չունենք», – ընդգծել է նա։
Արտաքին քաղաքական գերատեսչության ղեկավարը պատասխանել է նաև Բաքվի վերոնշյալ գործողություններին Ստեփանակերտի հնարավոր պատասխան միջոցների մասին հարցին։ Նրա խոսքով՝ Ստեփանակերտն առաջարկում է տարբեր միջոցներ՝ միջազգային կառույցների ներգրավում, պատժամիջոցներ Ադրբեջանի դեմ, թեև, ցավոք, դրանք կախված են շատ կոնյունկտուրային հարցերից: «Բայց ամենակարևորն այն է, որ մենք երբեք դրա հետ չհաշտվենք։ Դա չի նշանակում, որ մենք էլ պետք է ոչնչացնենք այլ ժողովրդի պատկանող ինչ-որ մշակութային արժեքներ, բայց չմոռանանք այն, ինչ արվում է մեր մշակութային արժեքների հետ, մենք իրավունք չունենք», – հայտարարել է Բաբայանը։
Լրացուցիչ տեղեկությունների համար այցելեք կայք