Изием годсек кочай, вавай дене иленам. Тиде шке кочамын изаж дене ватыже лийыныт. Нунымат мый кочай, вавай манынам. Нуно 70 ийымат эртен улыт. Кочай кум сарым эртен, шочшышт лийын огыл. Мыйым шке эргышт семын ашненыт. Эре нунын дене маленам.
Ик кастене ала-молан пырля малымем шуын огыл, казам лӱштышым да ачай-авай дене малаш кайышым. Кочай пӧртончылно малаш кодо. Эрдене эрак мӧҥгеш куржым. Капкам почаш тӧчем – тӱкылымӧ. Окна гычын ончем, кочай пӧрт покшелне мален кия. Но ала-мо тугай илыше айдеме гай ок кой. Савар гоч пурышым, кочайым миен тарватышым, кап-кылже йуштӧ чучо. Вовай деч йодам: «Мо тугай кочай дене?» Вовай ойла: «Але мала".
Июль тылзе шудо жап. Кочай капка ончылно шаршудышто кия. Шудым кондаш кӱлеш да машиным вуча. Маленат колтен."Машина толын шуеш гын йӱк-йӱаным колам манеш". Помыжалт кайыш, авайлан ойла: «Шешкым мые вашке колем. Омым ужынам, ялыште часамла гычын кугу сӱан тольо. Мые капка ончылно ончен шогем. Кузе сӱан ялыште пурен коштын, тыге черет дене колена»- манын ойлыш. Сентябрь тылзыште кочай колен колтыш, шӱжарже тудын почеш кайыш.
Колымо кечынже кокайым кычалын мый чодыраште велосипед дене кудальым. Муым. Кычкыральым. Шкеже нимат ыжым ойло. Кокай вигак пундышыш волен шинче, шорташ тӱҥале. «Нимат ит ойло. Мый палем изат колен. Таче омем дене оҥгыр пӱем лектын возо».
Илыш шижтаренак шоген. Шекланен гына шого.
КУГУ АЗИ