У паўзмроку на ложку сядзела маладая жанчына з заплаканымі вачыма. Глядзела на падпаленую свечку і нервова перабірала пальцамі пасмы валасоў. Вочы імкліва бегалі па пакоі…
У дзверы ціха пастукалі. Мужчына сярэдніх гадоў падышоў да жанчыны, паклаў руку на плячо і прашаптаў:
У цябе нарадзілася мёртвае дзіця, мілая… ⠀
Чытайце пост пра Францішку Уршулю Радзівіл – першую жанчыну-драматурга на сучаснай Беларусі!
Францішка з дзяцінства захапілася мастацтвам. Вывучыла некалькі замежных моваў, пісала вершы.
Творчая дзяўчына выйшла замуж позна - у 20 гадоў. Жаніх Міхал Радзівіл Рыбанька ні разу не бачыў нявесты, таму дамовіўся пра сустрэчу. У першы раз не атрымалася, бо дзяўчына выпадкова высыпала на грудзі гарачае вуголле. У другі раз Міхалу разбалелася галава. ⠀ Нарэшце пане прыехаў да нарачонай, але ў пацёмках прыняў за нявесту іншую жанчыну - цяжарную. Пасля яму паказалася, што нявеста касая. Усю ноч магнат не спаў, шкадаваў сябе. На наступны дзень убачыў Францішку Уршулю і ўсміхнуўся. Яна была прыгажуняй.
Пасля пышнага вяселля Францішка стала гаспадыняй Нясвіжскага палаца. Князя часта не было дома. Маладая жонка з галавой акунулася ў гаспадарчыя клопаты. Наводзіла парадак у бібліятэцы, працягвала пісаць…
Аднойчы ў Нясвіж прыехалі замежныя гастралёры. Уршулі так не спадабаўся спектакль, што яна вырашыла стварыць СВОЙ тэатр. Першы спектакль паказалі пад адкрытым небам на дзень нараджэння Міхала Рыбанькі. Да ўдзелу ў пастанове Уршуля заахвоціла сваякоў мужа, сяброў, прыслугу.
Францішка Уршуля Радзівіл стварыла ПЕРШЫ прафесійны тэатр на Беларусі!
Сентыментальная княгіня палка кахала мужа і прысвячала яму вершы. У шлюбе была цяжарнай 33 разы, але дзеці паміралі. Першае немаўля згубіла на балі, калі ўпала з лесвіцы. Выжыў адзіны наследнік. ⠀
Са сваім мужам Францішка пражыла 28 гадоў. Свой апошні ліст княгіня падпісала наступным чынам:
“Кланяюся ў ногі твае. І кахаю. Пакуль жыву, буду тваёй адзінай жонкай...”
Францішка памерла ад цяжкай хваробы. Пахавана ў крыпце нясвіжскага касцёла.
Вам спадабаўся пост? Напішыце ў каменты