Հուլիսի 1-ին Սնանկության դատարանի դատավոր Բագրատ Մկրտչյանի որոշմամբ ԱԺ նախկին պատգամավոր Առաքել Մովսիսյանի և նրա գույքի նկատմամբ հետախուզում է հայտարարվել: Այս մասին տեղեկանում ենք Դատական տեղեկատվական համակարգից:
Նշենք, որ մայիսի 25-ին «Ամերիաբանկ»-ը դիմել էր սնանկության դատարան Մովսիսյանին սնանկ ճանաչելու պահանջով:
Նկատի ունենալով, որ Մովսիսյանը բացակայում է իր բնակության վայրից և վերջինիս բնակության վայրը չի բացահայտվել, դատարանը գտել է, որ նրա և նրա գույքի նկատմամբ պետք է հայտարարել հետախուզում:
Հիշեցնենք, որ Առաքել Մովսիսյանը՝ Շմայսը, 2004-2007 թվականներին եղել է Հայաստանի Հանրապետության Ազգային ժողովի պատգամավոր թիվ 27 ընտրատարածքից։
Լրացուցիչ տեղեկությունների համար այցելեք կայք
Հայաստանի նորությունները Telegram-ում
#Առաքել Մովսիսյան #Հետախուզում #Սնանկության դատարան