ԱՄՆ վարչակազմը պատժամիջոցներ է սահմանել Թուրքիայում երկու ընկերությունների և չորս ֆիզիկական անձանց դեմ՝ «Իսլամական պետություն» ահաբեկչական խմբավորման հետ նրանց կապերի պատճառով։ Այս մասին ТАСС-ի փոխանցմամբ՝ ասվում է ԱՄՆ ֆինանսների նախարարության և Պետդեպարտամենտի տարածած հայտարարություններում։
Սահմանափակումները վերաբերում են «ԻՊ-ի աջակցության ֆինանսական ցանցի կարևորագույն հանգույցներին», որոնք ահաբեկիչներին թույլ էին տալիս «հավաքագրումներ իրականացնել», միջոցներ փոխանցել Իրաք և Սիրիա, ինչպես նաև այդ երկրներից, ասվում է փաստաթղթերում:
Պատժամիջոցներ են սահմանվում Թուրքիայում բնակվող Իրաքի քաղաքացի Բրուքան Ալ Խաթունիի և նրա հետ կապված երեք անձանց, ինչպես նաև Wadi Alrrafidayn և Sham Express ընկերությունների դեմ: Ամերիկյան իշխանությունների տվյալներով՝ Wadi Alrrafidayn - ը գտնվում է Ալ Խաթունիի վերահսկողության տակ, իսկ Sham Express-ը զբաղվում էր ԻՊ-ի միջոցների փոխանցմամբ։
Պատժամիջոցների ցանկում ընդգրկվելը նշանակում է ԱՄՆ-ում ակտիվների սառեցում և ամերիկյան քաղաքացիների կամ ընկերությունների համար արգելք՝ նրա ֆիգուրանտների հետ բիզնես վարելու համար, որոնց նույնպես արգելված է մուտք գործել երկիր: Ինչպես ընդգծում են ամերիկյան գերատեսչությունները, Թուրքիայի իշխանությունները նույնպես նմանատիպ միջոցներ են ձեռնարկում նշված անձանց և ընկերությունների դեմ։