Молитвы при болезни сердца

При сердечных болезнях обращайтесь с молитвами к святителю Иоасафу, епископу Белгородскому; священномученику Мокию, преподобному Серафиму Саровскому, преподобному Пимену Многоболезненному, Печерскому.

Молитва святителю Иоасафу, епископу Белгородскому

О угодниче Божий святителю Иоасафе! Из глубины сердца взываем к тебе раби Божии (имена), огради нас от соблазна, ересей и расколов, научи горняя мудрствовати, разсеянный ум наш просвети и на путь истины направи. Охладевшее сердце согрей любовию ко ближнему и ревностию ко исполнению велений Божиих, грехом и нерадением ослабленную волю нашу оживотвори благодатию Духа Всесвятого. Да твоему пастырскому гласу последующе, сохраним в чистоте и правде души наша, и тако Богу помогающу, Небеснаго Царствия достигнем, ид еже купно с тобою воспрославим пречестное и великолепое имя Отца и Сына и Духа Святаго во веки веков. Аминь.

Молитва преподобному Пимену Многоболезненному, Печерскому

• О священная главо, преподобне отче, преблаженне авво Пимене! Не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих. моли за ны, отче священный, за дети твоя духовных, яко имеяй дерзновение к Небесному Царю: не премолчи за ны ко Господу, и не презри нас, верою любовию чтущих тя: поминай нас недостойных у Престола Вседержителева, и не перестай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть, всегда, но святая твоя душа со ангельскими воинствы, со бесплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь.