Այս ամսվա սկզբին հայտնի դարձավ, որ Ալեք Բոլդուինին «Ժանգը» ֆիլմի նկարահանումների ժամանակ ոչ կանխամտածված սպանության պաշտոնական մեղադրանք է առաջադրվել։ Դերասանը ծանր է տանում կատարվածը։ Չնայած Գալինա Հաթչինսի ընտանիքը պնդում է, որ Ալեքը նույնիսկ ներողություն չի խնդրել իրենցից և նոր դատական հայց է ներկայացնում նրա դեմ։ Նախկինում նրանք դա արդեն արել էին, գրում է peopletalk.ru-ի հոդվածագիրը։
Just Jared-ի փոխանցմամբ՝ Գալինա Հաթչինսի հարազատները դիմել են դատարան։ «Այսօրվա հայցում էմոցիոնալ տառապանքի կանխամտածված պատճառման, անփութության և կոնսորցիումի կորստի մասին», - հայտարարել է փաստաբան Գլորիա Օլերդը։ Նա նաև հավելել է, որ դերասանը չի կապվել ընտանիքի հետ։ «Եվ Միստր Բոլդուինը նույնիսկ ներողություն չի խնդրել նրանցից», - շարունակեց նա:
Խոսեց նաև մահացածի քույրը։ «Քրոջս կորցնելը, համենայն դեպս անձամբ ինձ համար, սարսափելի փորձ էր, և դա իմ կյանքի ամենամեծ կորուստներից մեկն է: Ավելի կործանարար է տեսնել, թե ինչպես են տառապում մեր ծնողները, ինչպես է կտրուկ վատացել նրանց առողջությունը», — հավելել է նա։
Հիշեցնենք, որ օպերատոր Գալինա Հաթչինսը մահացել էր 2021 թվականի հոկտեմբերին։ Ֆիլմի նկարահանումների ժամանակ Բոլդուինը կրակել է ատրճանակից՝ պատահաբար սպանելով նրան և վիրավորելով ֆիլմի ռեժիսոր Ջոել Սոուսային։ Ինչպես պնդում է դերասանը, նա չի սեղմել ձգանը, այլ ընդամենը քաշել և բաց է թողել ձգանը՝ հետևելով կադրը կառուցող Հաթչինսի հրահանգներին: Ատրճանակը պետք է լիցքավորված լիներ «պարապ» փամփուշտներով, սակայն դրանք մարտական են եղել։