Утопия
Бес күндік бұл жалғанға сарап бар ма.
Біз тəубе деп айтайық қарап барға.
Жаңа жыл келе салып елімізде,
Өзгерді айнала мен тараптарда.
Ұмыттық ажырасу деген сөзді,
Жойылды суық қару жарақтарда.
Теңгеміз жоғары тұр долларданда,
Курсын қарап тұрам əр ақ таңда.
Көбейіп бала саны,батыр ана,
Жатыр ғой тектілікте тарап қанда.
Милион болып елдің жалақысы,
Милиярд болад(ы) деген бар ақпарда.
Жұмыс көп адам жоқ қой істей тұғын,
Құдайым қамсыз қылып жаратқан ба.
Тыйын тебен берейін деп іздей қалсаң,
Таппайсың мұқтаж адам қарап маңда.
Су тегін болып бензин ел сенбей жүр,
Күн жылып еріді ғой қар ақпанда
Жүз пайыз арзандады азық түлік,
Жан жоқ ау дəм тататын шараптанда.
Қашып жүр алмай ешкім ұят қой деп,
Үкімет үй мен жерді таратқанда.
Жөнделіп жолдың бəрі тегістелді,
Мың шүкір айтамын мен жаратқанға.
Базарда өтпей қалып темекілер,
Дүкенде сатылмайды арақтарда.
Құдай ау бұл не деген иманды ел деп,
Қызғанып қарап жатыр арабтарда.
Исмағұлов Сабыржан