Афіцыйныя Светлагорскія ўлады не адзначацьмуць сёлета 460-годдзе Шацілавіч-Светлагорска. Гэта вынікае з адказу старшыні Светлагорскага райвыканкаму на маё пытанне, дасланае праз сайт газеты “Светлагорскія навіны”.
Сёлета спаўняецца 460 год Шацілкам-Светлагорску ад даты першага згадвання ў пісьмовых крыніцах. Але, як і 10 год таму, афіцыйныя ўлады не збіраюцца адзначаць юбілей. Гэта вынікае з адказу на маё пытанне, дасланае праз рубрыку “Спытай ў старшыні”(“Задай вопрос председателю”) на сайце газеты “Светлагорскія навіны” – афіцыйнага органа райвыканкаму.
На маё пытанне: “Ці збіраюцца сёлета адзначаць 460-годдзе Светлагорска? Калі будзе спынена практыка святкавання дня пераназвання Шацілак у Светлагорск, атрымання статуса горада з сапраўдным Днём нараджэння населенага пункта? “ прыйшоў адказ. Аказваецца, у Светлагорска “склалася традыцыя святкаваць Дзень нараджэння горада Светлагорска” 29 ліпеня 1961 года “ў сувязі са стварэннем новай адміністрацыйна-тэрытарыяльнай адзінкі”.
Калі ісці такой логікай, то можна святкаваць Дзень нараджэння Светлагорска ад даты 30 снежня 1956 года, калі вёска Шацілкі набыла статус гарадскога паселішча, населенага пункта гарадскога тыпу. Гэта ж новая адміністрацыйна-тэрытарыяльнай адзінка? Новая.
Давайце святкаваць нараджэння Светлагорска і ад даты 9 чэрвеня 1960 года. У гэты дзень Шацілкі сталі цэнтрам Парыцкага раёна. Гэта ж новая адміністрацыйна-тэрытарыяльнай адзінка? Новая.
Хаця навошта ў такія далёкія гады лезці. Лепей святкаваць Дзень нараджэння горада Светлагорска ад даты 4 студзеня 2002 года. У гэты дзень Светлагорскі раён і горад Светлагорск аб’ядналіся ў адну адміністрацыйна-тэрытарыяльную адзінку - Светлагорскі раён з адміністрацыйным цэнтрам горад Светлагорск.
Гэта ж новая адміністрацыйна-тэрытарыяльнай адзінка? Вядома, новая. І адначасова амаладзіцца сам Светлагорск. Сёлета яму споўніцца 18 год! Юнак! Трэба ж падтрымліваць Светлагорску імідж вечна маладога горада…
І вечна ту**й у пытанні вылічэння ўзросту Светлагорска адміністрацыі. Як казаў адзін мой колішні калега: “І адкуль вас такіх панабіралі?”
Віктар Раманцоў 11.02.2020.
Публікуецца ўпершыню. Перадрук без згоды аўтара забаронены. Дазваляецца частковае цытаванне. Спасылка на аўтара і матэрыял пры цытаванні абавязковыя.
Таксама чытайце: