Каля гатэля Marriott, дзе праходзіць форум "Мінскі дыялог", адбылася акцыя анархістаў. Некалькі чалавек у грыме Джокера разгарнулі расцяжку з лозунгам "Happy to live in dictatorship" ("Мы шчаслівыя жыць пры дыктатуры").
Анархісты сталі каля выбарчага пікета, які зладзілі актывісты грамадскай кампаніі "Еўрапейская Беларусь". Адзін з удзельнікаў патлумачыў журналістам, што яны параўноўваюць з цыркам сучаснае палітычнае жыццё ў Беларусі, у тым ліку і будучыя выбары.