Yoz mavsumiga munosib, yengil va mazali salat retsepti bilan tanishing. Oddiy mahsulotlardan tayyorlangan, mazali salat yozning issiq kunlarida sizga va yaqinlaringizga juda ham munosib bo'lishiga hech ham shak-shubxa yo'q. Retseptni albatta saqlab qoling!
Kerakli masalliqlar:
- 2 dona qovoqcha (kabachki)
- 3 dona pomidor
- 3-4 dona tuxum
- 1 dona sarimsoq tishchasi
- petrushka, ko'k piyoz
- 150 gramm smetana yoki mayonez
- ta'bga ko'ra tuz va murch
- qovurish uchun o'simlik yog'i
Tayyorlash usuli:
1. Yuvilgan qovoqchani o'rtacha qalinlikda, yumaloq shaklda kesing. Tuz seping va 10 daqiqaga qoldiring. Tuxumni suvda butunlay tayyor bo'lguncha pishiring.
2. Qovoqchani tovada qizdirilgan o'simlik yog'ida, har tomonlama qovuring va oshxona sochig'iga oling. Ortiqcha yog'i ajralishi uchun.
3. Pomidor va tuxumni bo'lakcha qilib kesing va qovoqcha bilan salat tayyorlanadigan idishda uchrashtiring.
4. Ko'k piyoz, petrushka va sarimsoqni mayda to'rg'ang. Salat idishidagi mahsulotlar bilan birlashtiring.
5. Smetana, tuz va murchni soling. Aralashtiring. Ta'bga ko'ra smetanani mayonez yoki tabiiy yogurt bilan almashtirishingiz mumkin.
6. Tayyor salatni darhol dasturxonga torting. Mazali va yengil salat tayyor!
Yoqimli ishtaxa!