Tovuq jigari asosi bilan tayyorlangan baqlajon. Bayramona taom kabi ko'rinishga ega bo'lsada, biroq tayyorlanishi juda ham oddiy. Bekajonlar ajoyib va mazali taomni sinab ko'rib, o'zingiz baho bering. Retseptni saqlab qolishni unutmang!
Kerakli masalliqlar:
- 130 gramm tovuq jigai
- 280 gramm baqlajon
- 20 gramm bulg'or qalampiri
- 40 gramm shampinon
- 10 gramm piyoz
- 5 gramm sarimsoq
- ta'bga ko'ra tuz, murch va ziravorlar
- 25 gramm qovoqcha (kabachki)
- 45 gramm suluguni pishlog'i
- 13 grammdan salat bargi, qizilcha bargi
- zaytun va o'simlik yog'i
Tayyorlash usuli:
1. Baqlajonni yuving va ustki qismidan nozik qatlam kesib tashlang.
2. Extiyotkorlik bilan ichki qismini kovak qilib, kesib oling. Qoshiq yodamida ajratish qiyinchilik tug'dirmaydi.
3. Baqlajon kemasini kastryulkachada qizdirilgan o'simlik yog'ida qovuring.
4. Piyozni yarimhalqa shaklida to'rg'ang va qizdirilgan yog'da qovurishni boshlang.
5. Bulg'or qalampirini somoncha shaklda, qovoqchani o'rtacha bo'laklarga bo'ling. Sarimsoqni mayda to'rg'ang. Sabzavotlarni qovurilayotgan piyoz bilan uchrashtiring.
6. Sabzavotlarga bo'laklarga bo'lingan tovuq jigarini solib, qovurishda davom eting.
7. Mayda to'rg'algan shampinon va ziravorlarni soling. Sabzavotlar va jigar butunlay tayyor bo'lgunga qadar qovurishda davom eting.
8. Sabzavotli asos tayyor bo'lgach, baqlajon qayig'ini asos bilan to'ldiring.
9. Qirg'ichdan chiqarilgan pishloq bilan seping. 200 darajada qizdirilgan pechda, 15 daqiqa davomida pishiring.
10. Tayyor baqlajon qayig'ini zaytun yog'i bilan aralashtirilgan salat barglari bilan dasturxonga torting. Baqlajon qayig'i tayyor!
Yoqimli ishtaxa!