Mevalar bilan tayyorlangan tvorogli zapekanka - ertalabki to'yimli nonushta yoki kechki ovqat uchun ajoyib tanlov. Foydalanilgan mahsulotlar bir-biri bilan kirishib, lazzatbaxsh va hushkayfiyat ulashuvchi ta'mni sizga taqdim etadi. Har qanday dasturxondan o'zining yorqin o'rnini egallaydi. Ushbu zapekanka multivarkada tayyorlanib, yengil bo'lib pishadi.
Kerakli masalliqlar:
- 500 gramm tvorog
- 3 osh qoshiq shakar
- 5 osh qoshiq smetana
- 2 osh qoshiq manniy yormasi
- 2 dona tuxum
- Bezash uchun mevalar (hohishga ko'ra)
- Olma sharbati (ta'bga ko'ra)
- Jelatin (ta'bga ko'ra)
- O'simlik yog'i (surtish uchun)
Tayyorlash usuli:
1. Manniy yormasi va 3 osh qoshiq smetanani birlashtiring va 30 daqiqaga qoldiring.
2. 30 daqiqadan so'ng, smetanali massa, tvorog, tuxum va shakarni blender yordamida pyurelang.
3. Multivarkani 140 darajada 55 daqiqa tayyorlashga yoqing.
4.Multivarka idishini yog' bilan surting, tvorogli massani soling. Ustki qismiga qolgan 2 osh qoshiq smetanani soling va tayyorlashga qo'ying.
5. Mevalarni yupqa qilib kesing. Zapekanka ustiga terib chiqing. Mevalar ustidan sharbatda uyutilgan jelatinni quying. Sharbatda tayyorlangan jelatin yanada hushta'mlik beradi.
6. Zapekankani tundan-tonggacha vaqt mobaynida muzlatgichga qo'ying. Tayyor zapekankani smetana yoki quyultirilgan sut bilan dasturxonga torting.
Yoqimli ishtaxa!
