Oddiy masalliqlardan tayyorlangan mazali rulet har qanday dasturxondan o'zining yorqin o'rnini egallab, dasturxon davrasida barchaga ma'qul bo'ladi. Shuningdek, ushbu rulet bayram dasturxoni uchun ajoyib gazak. Ming bor eshitgandan ko'ra bir bor tayyorlab, o'zingiz ishonch hosil qiling.
Kerakli masalliqlar:
1 dona lavash noni
100 gramm tuzlangan semga balig'i
2-3 dona ko'k piyoz shoxchasi
5-6 dona salat bargi
100 gramm yumshoq pishloq
50 gramm mayonez
Tayyorlash usuli:
1. Oshxona stoli ustiga lavash nonini yoying va mayonezni surting.
2. Baliqni yupqa, mayda bo'laklarga bo'ling.
3. Pishloqni qirg'ichning kichik tomonidan chiqaring.
4. Ko'k piyoz shoxchalarini mayda to'rg'ang.
5. Qoshiq yordamida pishloqni bir xil qalinlikda soling. Pishloq ustidan baliq bo'laklarini huddi terib chiqqan kabi soling.
6. Baliq ustidan ko'k piyoz va bo'laklarga bo'lingan salat bargini soling.
7. Asosli lavash nonini zich holda rulet shaklida o'rang.
8. Tayyorlangan ruletni oziq-ovqat plonkasiga o'rang va 1 soatga muzlatgichga qo'ying. Masalliqlar bir-biri bilan kirishishi uchun.
9. Belgilangan vaqt o'tib, ruletni muzlatgichdan oling va 3-4 sm qalinlikda kesib chiqing. Ruletni hohishingizga ko'ra bezating va darhol dasturxonga torting.
Yoqimli ishtaxa!