Go'shtli taomlarni sevib iste'mol qiluvchilar uchun ushbu keks albatta ma'qul bo'ladi. Dasturxon davrasidan o'zining yorqin o'rnini egallash bilan birga taomdan chinakam lazzatlanish baxtini taqdim etadi.
Kerakli masalliqlar:
250 gramm mol go'shti qiymasi
10 dona o'rik qoqisi
1 donadan piyoz va sabzi
1 dona tuxum
Ta'bga ko'ra tuz, murch, petrushka ko'kati
O'simlik yog'i
quritilgan non ushog'i
Tayyorlash usuli:
1. Go'sht qiymasiga tuz, murch va tuxumni soling. Yaxshilab aralashtiring.
2. Piyozni tozalang, mayda shaklda to'rg'ang. Qizdirilgan yog'da tilla tusga kirgunga qadar qovuring.
3. Tozalangan sabzini qirg'ichning kichik tomonidan chiqaring.
4. Piyoz va sabzini go'sht qiymasiga solib, aralashtiring.
5. O'rik qoqisini yuving, petrushka ko'katini mayda shaklda to'rg'ang.
6. Keks qolipchalarini o'simlik yog'i bilan surting va non suxarisi bilan seping.
7. Qoliplarni yarmigacha tayyorlangan qiymadan soling.
8. Petrushka va o'rik qoqisidan soling.
9. Qolipning qolgan qismini ham qiyma bilan to'ldiring.
10. Ustki qismini non suxarisi bilan seping. 190 darajada qizdirilgan gaz pechida 40-50 daqiqa davomida pishiring.
11. Belgilangan vaqt o'tib, go'shtli kekslarni qolipdan ajrating. Laganga soling va ko'kat seping. Mazali kekslarni darhol dasturxonga torting.
Yoqimli ishtaxa!