Chevapchichi - Serbiya oshxonasining sevimli va qizartirib pishirilgan kolbasa turi hisoblanadi. Bugun e'tiboringizga juda ham mazali va har qanday dasturxonda o'zining yorqin o'rnini egallovchi taom retseptini taqdim etamiz. Bir bor tayyorlangan ushbu kolbasaning mazasi uzoq vaqt yodingizda qolishi turgan gap.
Kerakli masalliqlar:
300 gramm mol go'shti
300 gramm tovuq go'shti filesi (ta'bga ko'ra boshqa go'sht turidan foydalanish mumkin)
Ta'bga ko'ra tuz, murch va go'sht uchun ziravor
1 dona tuxum
1,5 osh qoshiq un
1 donadan piyoz va sabzi
3 dona sarimsoq tishi
50 ml suv
0,5 bog' ukrop va petrushka ko'kati
Qovurish uchun o'simlik yog'i
Tayyorlash usuli:
1. Go'shtni yuving va quriting. Go'sht qiymalagichdan chiqaring.
2. Aloxida idishga tuxum, tuz, murch, go'sht uchun ziravor, maydalangan sarimsoqni birlashtiring va sanchqi yordamida arlashtiring.
3. Tayyorlangan aralashmani qiyma bilan birlashtiring.
4. Unni soling va bir xil massa hosil bo'lgunga qadar aralashtiring. Tayyorlangan qiyma ustini yoping va 15-20 daqiqaga muzlatgichga joylang.
5. Belgilangan vaqt o'tib, qiymadan sosiska hajmida kolbasalar tayyorlang. Bu bosqichni qo'llaringizni namlagan holda yoki quyidagi rasm kabi bajarishingiz mumkin.
6. Tayyorlangan kolbasalarni sovuq suv bilan namlangan oshxona taxtasiga terib chiqing.
7. Kolbasalarni tovada qizdirilgan yog'da, har tomonlama 2-3 daqiqa davomida qizartirib pishiring.
8. Piyoz va sabzini tozalang. Piyozni yarim halqa, sabzini esa yumaloq shaklda to'rg'ang. Sabzavotlarni tilla tusga kirgunga qadar qovuring. Qovurilgan sabzavotlar ustidan kolbasalarni tering.
9. Suvni quying va tova qopqog'ini berkiting. Suv qaynagan vaqtdan boshlab, o'rta olovda 15-20 daqiqa davomida dimlang. Belgilangan vaqt o'tib, mayda to'rg'algan ko'katni seping va olovni o'chiring. Mazali kolbasalarni dasturxonga tortiq qiling.
Yoqimli ishtaxa!