Kakosli keks oson tayyorlaniladigan, ammo juda ham mazali bo’lgan pishiriqlardan biridir! U o’zgacharoq bo’lib pishadi: keksning usti qarsildoq, ichi esa nam va yumshoq, yegandan keyin esa sariyog’ va kakosli ta’m kelib turadi.
Kerakli masalliqlar:
170 gramm margarin
250 gramm un
3 ta tuxum
270 gramm kefir
75 gramm kakos qirindisi
1.5 choy qoshiq qabartma
0.5 choy qoshiq tuz
225 gramm shakar
1 choy qoshiq vanil shakari
125 gramm shakar upasi
25 millilitr limon sharbati
ustiga sepish uchun kakos qirindisi⠀
Tayyorlash usullari:
1. Tog'orachaga yumshagan margarin va shakarni solib, mikserda oqargunga qadar yaxshilab, taxminan 3 daqiqa ko'pirtirib olamiz.
⠀
2.Vanilin shakari, tuxumni bittadan solamiz.
⠀
3. Un, qabartma va tuzni aralashtirib olamiz.
⠀
4. Unli aralashmani uchga bo'lib, kefirni ikkiga bo'lib, navbati bilan solamiz.
⠀
5. Kokos qirindisini sepib, aralashtirib olamiz.
⠀
6. Qolipga yog' surtib, un sepamiz. Xamirni qolipga quyib, 175 C darajada qizigan pechda 60 daqiqa davomida pishirib olamiz.
⠀
7. Pishgan keksni biroz qolipida sovutib, so'ng pech panjarasiga qo'yib, to'liq sovutib olamiz. Keksni oziq-ovqat pelyonkasiga o'rab, 3 kungacha xona haroratida saqlash mumkin.
⠀
8. Limon sharbati va shakar upasini aralashtirib, keksning ustidan quyamiz va shakar qirindisini sepamiz.
⠀
Yoqimli ishtaha!