Kuningiz faqat tabassum bilan emas, balki sog'lom va mazali nonushta bilan boshlanishi kerak. Shuning uchun dangasa bo'lmang. Biroz oldinroq turing, yengil mashqlarni bajaring va taom tayyorlashni boshlang. Ertalabki nonushta uchun albatta ushbu taomni tayyorlang. Yaqinlaringizga kun mobaynida yaxshi kayfiyat ulashing.
Kerakli masalliqlar :
2 dona yangi bulochka
3 dona tuxum
2-3 bo'lak dudlangan go'sht yoki kolbasa
0,5 bog' ko'k piyoz
1/2 stakan qirg'ichdan o'tkazilgan pishloq
1/2 stakan sut
Ta'bga ko'ra tuz va murch
Tayyorlash usullari :
1. 1 osh qoshiq qizdirilgan o'simlik yog'ida mayda to'rg'algan kolbasani qovuring va oshxona sochiqchasiga ortiqcha yog'i ajralishi uchun suzib oling.
2. Tuxum va 100 ml sutni birlashtiring va ko'pirtiring. Sutni smetana bilan almashtirishingiz ham mumkin.
3. Mayda to'rg'algan ko'k piyoz, qovurilgan kolbasa, pishloq, tuz, murchni tuxumli aralashma bilan birlashtiring. Aralashtirirng.
4. Bulochkalarni quyidagi rasm kabi ichki qismini g'ovak qilib kesing.
5. Tayyorlangan aralashmani bulochkalar ichiga soling. Bulochkalarni pishirish qolipiga joylang va 180 darajada qizdirilgan gaz pechida 20-25 daqiqa davomida pishiring.
6. Belgilangan vaqt o'tishi bilan bulochkalarni oling va issiq holida dasturxonga torting.
Yoqimli ishtaxa !