Ajoyib shirinlik. Nozik va mazali desert. Tayyorlanishi oddiy, natijasi esa mo'jizaviy va sizni lol qoldirishi turgan gap. Tayyorlangan desert dasturxon davrasida ham barcha uchun manzur bo'lib, lazzatlanish baxtini taqdim etadi.
Kerakli masalliqlar :
300 gramm qulupnoy
200 ml qaymoq
150 gramm shakar
2 osh qoshiq jelatin
Tayyorlash usullari :
1. Birinchi navbatda jelatinni 150 ml qaynatib, sovutilgan suvda uyuting. Qog'ozida ko'rsatilgan vaqt bo'yicha.
2. Uyutilgan jelatinni qaynash darajasiga olib boring. Biroq qaynatib yubormang. Sovuting.
3. Qulupnoyni tazalang va blender yordamida qulupnoy pyuresini tayyorlang.
4. Qaymoqni shakar bilan ko'pirtiring.
5. Qulupnoy pyuresi va qaymoqni birlashtiring va aralashtiring.
6. Jelatinni qo'shing va aralashtiring.
7. Qaymoqli aralashmani sufle tayyorlanadigan idishlarga quyib chiqing. 3-4 soatga muzlatgichga qo'ying.
8. Belgilangan vaqt o'tib tayyor suflelarni oling va yalpiz shoxchasi bilan bezating. Dasturxonga torting.
Yoqimli ishtaxa !