Makarondan tayyorlangan taomlarni sevib iste'mol qiluvchilar uchun ushbu taom ajoyib tanlovdir. Ushbu taom kunlik menyuga o'zgartirish kiritishning oson yo'li. Tayyorlanishi oddiy, mazasi esa juda ham mazali bo'lgan ushbu taom sizga va yaqinlaringizga juda ham manzur bo'ladi.
Kerakli masalliqlar:
500 gramm mol go'shti qiymasi
400 gramm makaron
1 dona piyoz
1 dona sabzi
1 bulg'or qalampiri
2 dona pomidor
3 dona sarimsoq donachasi
200 gramm qattiq pishloq
Ta'bga ko'ra tuz va ziravorlar
3 osh qoshiq o'simlik yog'i
Beshamel sousi
Beshamel sousi uchun:
20 gramm saryog'
2 osh qoshiq un
400-500 ml sut
Ta'bga ko'ra tuz, murch, muskat yong'og'i
Tayyorlash usuli:
1. Barcha kerakli masalliqlarni tayyorlab oling.
2. Mayda to'rg'algan piyoz, bulg'or qalampiri va sabzini qizdirilgan yog'da 5-8 daqiqa davomida qovuring.
3. Sabzavotlarga go'sht qiymasini birlashtiring, qovurishda davom eting. Go'sht yarim tayyor bo'lguncha qovuring.
4. Mayda to'rg'alga sarimsoq va pomidorni soling.
5. Tuz va ziravorlarni solib, aralashtiring. 8-10 daqiqa davomida qovurishda davom eting.
6. 8-10 daqiqa davomida sho'r suvda makaronlarni qaynating.
7. Bu vaqt mobaynida Beshamel sousini tayyorlang. Buning uchun : 20 gramm saryog', 2 osh qoshiq un, 400-500 ml sut va muskat yong'og'i kukuni kerak bo'ladi. 20 gramm saryog'ni eriting. Saryog' ustiga oz-ozdan unni solib bir xil massa hosil bo'lguncha aralashtiring. Aralashtirishni to'xtatmagan holda sutni quying, tuz, murch va muskat yong'og'ini qo'shing. Qo'yiqlashgunga qadar qaynating. Sousni sovuting.
8. Issiqqa chidamli qolipga makaronning yarmini soling.
9. Ustidan dimlangan go'sht qiymasi va sabzavotlarni soling.
10. Go'sht ustidan makaronning qolgan qismini soling. So'ng, qirg'ichdan o'tkazilgan pishloqni soling va tayyorlangan sousni quying.
11. 180 darajada qizdirilgan gaz pechida zapekankani 20-30 daqiqa mobaynida pishiring. Zapekanka ustidagi pishloq erib, och tilla tusga kirishi lozim. Mazali zapekanka tayyor!
Yoqimli ishtaxa!
