Xamir ichida tayyorlangan losos balig'i - bu nomlanishi ajoyib, murakkab bo'lgani bilan tayyorlanishi juda ham oson bo'lgan taom kechki ovqat va dam olish kunlaridagi tushlik dasturxoni uchun mazali taom bo'la oladi. Xamir ichidagi baliq nozikligi va o'zining mazasi bilan sizni lol qoldirishi aniq.
Kerakli masalliqlar:
30 gramm rayhon barglari
20 gramm ukrop
1 choy qoshiq limon po'sti
50 gramm saryog'
700-800 gramm losos balig'i (filesi)
500 gramm qavatli xamirturushli xamir
1 dona tuxum
1/4 choy qoshiq tuz va murch
Tayyorlash usuli:
1. Baliqning qiltiriqlarini tozalang, baliqni yuving va quriting. Baliq filesini o'rtasidan bo'ling, tuz va murch seping.
2. Ko'katlarni yuving, maydalab to'rg'ang va saryog' bilan aralashtiring.
3. Baliqning bir qismi ustiga tayyorlangan ko'kat massasini qo'ying.
4. Ustidan ikkinchi baliq bo'lagini qo'ying.
5. Pergament yozilgan pishirish qolipiga yoyilgan xamirni soling va xamir ustiga baliqni qo'ying. Xamir ustidagi baliqni huddi konvert kabi o'rang.
6. Xamirning ortiqcha qismlarini kesib tashlang va chetlarini yopishtirib chiqing. Konvert ustiga chayilgan tuxum sarig'ini surting.
7. Tayyor baliq konvertini 180 darajada 30-40 daqiqa davomida pishiring. Baliq tayyor!
Yoqimli ishtaxa!
