Алдоо – адамзат тарабынан өз максаттарына жетүү үчүн ойлоп табылган эң таамай курал. Дезинформация деген эмне? Чеберчилик менен даярдалып, бардык жерде жана көп таркаган ошол эле алдоо болуп саналат.
Демек, жалган маалыматты таратуу – көпчүлүктү жазгыруунун бир ыкмасы. Маалыматка ээ адам дүйнөгө да ээ.
Белгилүү бир убакытка чейин адамзат алдоого дуушар болуп келген. Саясаттын, жалпыга маалымдоо каражаттарынын пайда болушу менен ал жалган маалыматтарды таратууга айланды.
Бул көрүнүш байкалган алгачкы тармак аскердик кагылышуулар болгон. Жалган маалыматтарды таратуу согуш үчүн жаралганбы? Бул бүтүндөй аскерлердин согушка жөндөмдүүлүгүн жок кылуучу массалык кыйроонун өтө таасирдүү куралы. Душманга өтө чоң кошумча күчтүн жакындап калганы тууралуу кабарды кандайдыр бир амалдуу жол менен акырын билдирүү жетиштүү болгон, натыйжада душман аскерлер согуш талаасын таштап, өз жолуна түшүп кеткен.
Жалпыга жалган маалыматты таратуу да дал ушундай иштейт. Маалыматты берүү жолу да өзгөчө мааниге ээ. Маалыматты душман ишенгидей кылып билдирүү зарыл.
📰 Гезиттер, радио жана телеберүүлөр пайда болгондон бери белгилүү бир ыкма менен ойлоп чыгарылган керектүү фактыларды жөн гана билдирүү аркылуу бүтүндөй элди башкаруу мүмкүнчүлүгү пайда болду. Интернет чыккандан бери бул кырдаал улам күч алууда.
💵 Акча табуу үчүн да жалган маалымат таратуу колдонулат. Ак ниетсиз жарнама буга анык мисал. Сатып алуучуларды жазгыруу ыкмалары өтө көп, алар сатылуучу товарлар жана кызматтар тууралуу фактыларды жашырууга же өзгөртүүгө багытталган. Коом да башка бирөөнүн пайда таап алуусу үчүн аң-сезимдүү түрдө адашууда.
🔸 Чындыкты айырмалай билүү үчүн бир нече булактарга көз чаптыруу өтө маанилүү. Эң ишенимдүүлөрү да эрте же кеч кардарларынын ишенимине таянып, чындыкка дал келбеген жаңылыктарды чыгарып, кийин толугу менен чыныгы маалыматтын ордуна жашырылган жалган маалыматтарды чыгара баштайт.
🔹 Адамдар көптөгөн жакшы жана пайдалуу нерселерди ойлоп чыгарышат, бирок чыныгы жаратмандар адамдарды кулга айлантуу жана аларды башкаруу максатын көздөгөн өтө кооптуу ойлоп табууларга да барат.
