МАЛЫ ФИЛОЛОГЪЁС СУПЕРМЕНЪЁС ЛУИЗЫ

О языковой ситуации в Удмуртии. Туала удмурт кыл югдур манифест

Туннэ мон шуак ӝими Алина Крестьяниновалэн гожтэмез шоры: muketulon блогаз (http://muketulon.tumblr.com/post/165233177808) со вера, туэ "Шундыкар" лагерьын удмурт кылын вераськемез ӧжыт кылӥз шуыса. Та лыдӟеме туж ӟеч лякиськиз берло кылэм-адӟемъёсы борды! И мон тодам вайыны кутски...

1) Ветлӥ Гурфестэ (vk.com/goorefest2017). Милемыз кемалась гочатӥзы ни удмурт рокен. Ваньмыз вал туж умой, но малы мон жади Вероника Ваулинаез кылзыса :)? Угось ноку но ӧй на кылы сомында ӟуч сямен (!) вераськемзэ. Вот веть. Дышымтэ вылысь ма луэ.

2) Туннэ нош вал "ШУЛДЫР ӜЫТ" концерт (vk.com/shuldyr_jut_1977). Мыным со туж яраз! Но... опеть ӟуч кыл. Та феномен сярысь мон трос пол кылӥ ни одӥг теориез: котькинлы валамон луись ӟуч кыл пыр ми выль учкисьёсты кыскыны быгатӥськом. Тае валасько, нош Андрей Камалтдиновлэн нясь-нясь удмурт кылын вераськемез весь мыным ӧжыт. Опеть не угодишь мыным :).

3) Таӵе "учкисез кыскон теория" "Алые паруса" мюзикл пумысен "Мылысь-кыдысь" ток-шоу вераськонын шараяськиз вал (https://vk.com/udmteatr?z=video-45761956_456239079%2Fvideos-45761956%2Fpl_-45761956_-2). Видеоез кык нунал талэсь азьло адӟи, татын Алексей Ложкин валтӥсь режиссёр валэктэ, малы Удмуртский национальный театр (vk.com/udmteatr) ӟуч учкисез НО ӧте. Ӟуч (бигер, армян, еврей) учкись удмурт театре наушникъёсын кылзӥськыны лыктӥз ке, вот соку умой луоз. Зэм но, наушникъёсын кылзӥськон театрын йылӥз. Ӟечкылалом театрез! Мон та теорилэн кужмо палъёсызлы оскыны кутскисько!

4) Наушникъёс пумысен ӧз шугъяськы Udmurt Danlyk (vk.com/udmurtdan) огазеяськон: егитъёс пуктӥзы "Как в старые добрые времена" спектакль. Адӟи сое пуксёнэ (вторнике). Шудӥзы ӟуч кылын. Зрительёслы понравилось! Мыным но. Только мар ке уг тырмы. Удмурт кыл-а мар-а... Олёна, дугды ни, дугды! Со ук Шукшин. Шукшинэз неаутентично шудыны удмурт кылын.
Удмурт спектакле мыноно 8-9-тӥ декабре, соку театръёс "Пуны" драма возьматозы. Ойдолэ! vk.com/udmteatr?z=photo-45761956_456239597%2Falbum-45761956_00%2Frev

Кытчы мон ветлӥ на (ӧй ветлы на)... Коньывуонэ Палэзянэ ветлӥ вал. Но мон отын ӧй ик витьы удмурт кыллэсь чузъяськемзэ. Эшшо ик Ажгихинлэсь. Дом дружбы народов - удмурт кыл сярысь ӧвӧл, калыкъёслэн но кылъёслэн эшъяськонзы сярысь (иське, ӟуч кыл луоз).
Соку ик Эктоникае вуылӥ. Отын удмурт кыл кулэ ӧвӧл ини. Тырмыт луоз Петя Пушкинлэн шулдыр удмурт тусыныз.

Кышкасько ни мыныны "Арлэн кырӟанэз" но Жильыртӥсь кырӟан ошмес (vk.com/club153278813) концертъёсы. Отчы но "ӟуч учкисез кыскон теория" ӧз паласькы медэ меда?

УдГУысь Удмурт литература кафедралэсь палэнэ трос ик ветлэм уг поты. Кылем арняе пырай "Кенеш" журнал, Удмурт Дунне, "Кизили" но «ИНВОЖО» редакциосы, эшшо Нацбиблиотекалэн Йӧскалык ёзэтаз, УдНИИ-е, УдГУ библиотекае но Удмуртия Книжное-Издательство-е, Сергей Матвеев доры. И вот, мон мае ке валаны кутскисько кадь!

Вераськыны удмурт кылын - со удмурт филологъёслэн, удмурт кылчиослэн/кылчинъёслэн гинэ быдӟым миссизы!
Кельтэ удмурт кылэз кылчиослы - соослэн сяна, городысь удмурт интеллигенция пӧлысь нокинлэн но анай кылын вераськыны луонлыкез ӧвӧл. Гуртын вераськозы ай, нош городын югдур чидантэм лек. "Это выше моих сил - It's beyond my control", шуиз вал огаз экранизациын Вальмон-Малкович но пегӟиз: www.youtube.com/watch?v=cjUmvHBgHr0

Ми, удмурт филологъёс, вераськомы ай удмуртчен, чай юыса, пукомы ай, бӧтьыртомы ай кафедраосамы, редакциосамы, библиотекаосамы, ышыго сэрегъёсамы (сценаослэсь палэнынгес), угось ми филологъёс. Да бадӟым данэз (киросмес) ӝутэм йырын нуоме.
Ивортоно общественностьлы:
УДМУРТ КЫЛЫН ВУОНО ВАКЫТЭ ВЕРАСЬКОЗЫ ФИЛОЛОГЪЁС ГИНЭ.
Соос, суперменъёс кадь, утёзы анай кылмес! Ойдолэ гажаломе филологъёсты, утёме соосты! Ведь ӧз ке вераське соос - дышетӥсьёс, редакторъёс, кылбурчиос, корреспондентъёс, методистъёс, уз вераськы ни мукет удмурт удмурт индустриосысь элита. Удмурт культураысь ужасьёслы асьме кылын вераськыны али луонлык ӧвӧл: соос учкисьты привлекать каронэн выро. Соос уксё потто... Мед выль удмурт продуктъёс потозы шуыса. И собере ини, удмурт индустриосы ӟуч клиент вуиз ке, соос нош ик вераськозы удмурт кылын.
Со куспын али... удмурт кылын профессионально вераськисьёс но гожъяськисьёс верасько но вераськозы удмурт кылын. Вераськисьёслэн ужзы - вераськыны. Мед вераськозы.
Кин ке но вераськем гинэ ӧвӧл, гожъяськыны но (!) кужымзэ быдтэ.
Утёме вераськисьёсты но гожъяськисьёсты на капчи луисьтэм вакытъёсы!
Йоу, █✸▒

#учкисезкысконтеория #удивлятьзнаниемудмуртского #beyondmycontrol #этовышемоихсил #почемуфилологиэтоновыесупермены #роднойязыккаксуперсила #nativelanguageassuperpower #дараливера

Кин вообще ӧз вала, ма сярысь та нарратив, пыр татчы: За языки РФ (vk.com/rflanguages), лыдӟы тае: https://m.realnoevremya.ru/society/education/81691-v-rossii-otmenyayut-obyazatelnoe-izuchenie-nacionalnyh-yazykov