10 подписчиков
INSPEKTOR VA TALABA-QIZLAR MULOQOT UCHRASHUVI TASHKIL ETILDI
11-oktabr - "Xalqaro qizlar kuni" munosabat bilan Toshkent pediatriya tibbiyot institutida Qizlar haftaligi tashkil etilgan.
Mazkur haftalik doirasida 2024-yil 8-oktabr kuni " Biz zoʻravonlikka qarshimiz " shiori ostida institutning 3-son Talabalar turar joyida Xotin-qizlar Maslahat Kengashi a'zolari, Yunusobod tumani 4-sonli YIB XQMB katta inspektori, leytenant Ernazarova R.U., "Posira" mahalla Xotin-qizlar faoli Kabirova S.A. va talaba-qizlar ishtirokida davra suhbati bo'lib o'tdi.
Tadbir davomida har bir maʼruzachi tomonidan xotin-qizlarga nisbatan sodir etilayotgan zoʻravonlik hamda jinoyatchilikka qarshi kurashishda xotin-qizlarimizni haq-huquqlarini himoya qilish borasida amalga oshirilgan ishlar tahlili, shuningdek, gender tenglik, ayollar va erkaklar oʻrtasida teng huquqlar va imkoniyatlar, xotin-qizlarning imkoniyatlarini kengaytirish, gender zoʻravonlikni oldini olish toʻgʻrisida xabardorlikni oshirish toʻgʻrisidagi maʼlumotlar berib oʻtildi.
Shuningdek, yigʻilishda ogʻir ijtimoiy ahvolda qolgan, shu jumladan oilaviy muammolar va turmushida turli hil zoʻravonlikka duch kelgan xotin-qizlarni ruhiy qoʻllab-quvvatlash va ularga motivatsiya berish, zoʻravonlikka qarshi targʻibot ishlarini kuchaytirish maqsadida jamoatchilik eʼtiborini ushbu masalaga jalb etishga qaratilgan tadbirlar tashkil etilayotgani aytib oʻtildi.
Yigʻilish soʻngida qizlar oʻzlarini qiziqtirgan savollarga atroflicha javob oldilar.
1 минута
10 октября