22,6 тыс подписчиков
✒️ На нашем сайте запущен специальный раздел для старейшей ненецкой газеты «Няръяна Ӈэрм». В нем публикуются новости на ненецком языке.👇
❄️ Ӈацекы’’ нылана’’
Пивна ядва’ сер’ лакри’ саӈор яберена яля’ сэв’ няю’ ха’’амвы’’ ӈэӈгу’’. Я’ сяр’ нимня сылаӈгун, сырадарев’ сэр’’ яранзяко манэтан, ихинанд мандан, тедахав’ тэтнава’ ёльць’ тонараха.
Ты’’ падева’ мальӈгана саць ӈарка няд’’маӈэ ӈацекы’’ тарасеты’’. Пыдо’ сямян манзаям’ пэраць пирцетыдо’. Нисяндо’ малкован’ итамдо’, пядамдо’ хосаяӈгу’’. Ӈули’’ сэсембабто’ тосаляндо’ паӈгад, са’’нюй нярцодандо’ ма’’лаванзь ханда’’. Сянакова няхавамна вада яӈгода, нядаӈговари сер’’ ӈэӈгу.
Ӈаркамбойхав’’ тамна нисямдо’ таӈгамламба малкосеты’’. Поӈгам’ пядуванзь, ватаванзь ӈани’ хэсь пирцетыдо’. Хусувэдо’ хамадамбида: епдяхана мал’’ ӈобанзер’’ манзара серо’’ӈа. Тикарихина ты’’ ханяхарт ни’’ ханд’’.
Автор: А.Яптик’ падвы
Около минуты
17 июля