Йошкар-Олашке Моско ола гыч кумдан палыме психолог, психотерапевт, психологий шанче кандидат Вера Янышева толын коштын. Психологий темым тудо шукертсек шымла. Москваште Психологий да психотерапий тӱнямбал институтым почын, ятыр шанче пашан да книган авторжо. Вера Александровнан шочмо шӱжарже-шамычат психолог улыт. Коктынжо - Людмила Айдимирова ден Зинаида Кольчугина – пеленже Марий Элыш толыныт. Студийыштына нуно Российысе федерал калыкле да тӱвыра автономий вуйлатышын алмаштышыже, автономийын Москосо пӧлкажын председательже Владимир Актанаев дене пырля лийыныт.