Әңгәмәдәш - район үзәк хастаханәсенең табиб- эпидемиологы Чулпан Ситдыйкова.
- Татарстан республикасында быелның 4 аенда ВИЧ-инфекция белән диспансер исәпкә 255 кеше алынды, - дип сөйләде Чулпан Равиловна. - Яңа ачыкланган очракларның 54,7 % ир-атлар. Яшь буенча карасак, 56, 8% - 35 яшь һәм өлкәнрәкләр. Нигездә сакланмыйча җенси мөнәсәбәткә керү нәтиҗәсендә инфекция йоктырганнар. Республикада диспансер исәптә 15907 кеше исәптә тора. Шуның 125е балалар.
- Ә Арча районында ничек?
-
Арча районында 46 кеше исәптә тора.
Гомумән алганда, районда яшәүчеләр арасында барысы 80 очрак теркәлгән. Шуларның 70 проценты Арча районында даими яшәүчеләр. Соңгы елларда ВИЧ-инфекция эпидемиясе шактый үсте.
2020 елга кадәр ВИЧ-инфекция йоктырганнарның уртача яше 33 яшь булса, 2020 елдан соң ул 40 яшь һәм аннан да өлкәнрәкләрдә ачыкланды. Арча районында иң өлкән ВИЧ-инфекция йоктырган кешегә 72 яшь.
