2026 йилги Ҳаж мавсуми учун янги тартиб жорий қилинди
📍Ўзбекистон мусулмонлари идораси ҳузуридаги Ҳаж ва Умра маркази маълум қилишича, Саудия Арабистони Ҳаж ва Умра вазирлиги 2026 йилги ҳаж мавсуми учун янги соғлиқни сақлаш тартибини эълон қилди.
🔴 Асосий ўзгаришлар:
– 2026 йилги Ҳаж сафарига борувчи ҳар бир зиёратчи “Нусук” платформаси орқали тиббий соғломлик тўғрисидаги гувоҳнома олган тақдирда ҳаж визасини расмийлаштириши мумкин.
– Янги тартиб ҳаж зиёратчиларининг хавфсизлиги ва соғлиғини таъминлашга қаратилган.
🔴 Тиббий назорат:
– Саудия Соғлиқни сақлаш вазирлиги барча тегишли идораларга зиёратчиларни синчков тиббий кўрикдан ўтказиш,
ҳамда ҳаж сафарига боришга жисмоний имконияти чекланган шахсларни аниқлаш мажбуриятини юклади.
❌Ҳаж сафарига рухсат берилмайдиган ҳолатлар:
– Диализ талаб қилувчи буйрак етишмовчилиги
– Минимал жисмоний юкламада намоён бўлувчи юрак етишмовчилиги
– Сурункали ўпка касалликлари, кислороддан доимий фойдаланиш зарур бўлган ҳолатлар
– Оғир жигар сиррози ёки жигар етишмовчилиги
– Оғир руҳий ва неврологик бузилишлар
– Кексалик деменцияси
– Ҳомиладорликнинг сўнгги уч ойлиги ёки юқори хавфли ҳомиладорлик ҳолатлари
– Фаол юқумли касалликлар (силнинг очиқ шакли, геморрагик иситмалар ва бошқалар)
– Фаол онкологик касалликлар, кимётерапия ёки иммунитетни сусайтирувчи муолажалар жараёнида бўлганлар
🔴 Огоҳлантириш:
– Тиббий кўрикдан ўтмасдан ёки сохта маълумот тақдим этган зиёратчилар аниқланса, Ҳаж вазирлиги томонидан белгиланган чоралар кўрилади.
Каналимизга обуна бўлинг ва сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе