2025-жылдын биринчи жарым жылдыгында Кыргызстандын каржы секторунда 554 уюм иш алып барды. Каржы секторунун кирешеси 104 млрд сомдон ашты, бул 2024-жылга салыштырмалуу 44% га өстү. Кардарлардын саны 19,6 млн жетти.
📊 2025-жылдын биринчи жарым жылдыгында Кыргызстандын финансы секторунда 554 уюм иш алып барды. Булардын арасында Улуттук банк, 21 коммерциялык банк, 514 банктык эмес каржылык-кредиттик уюм жана 18 камсыздандыруу компаниясы бар.
👥 Финансы секторунда иштеген адамдардын саны 30 миңден ашты. 2025-жылдын июнь айынын аягында кардарлардын саны 19,6 миллионго жетти, бул өткөн жылдын ушул мезгилине салыштырмалуу 5 миллионго көбөйгөн.
📈 Финансы уюмдарынын жалпы кирешеси 2025-жылдын биринчи жарым жылдыгында 104 миллиард сомдон ашты, бул 2024-жылдын ушул мезгилине салыштырмалуу 44% көбөйгөн. Бул Улуттук банктын кирешесинин 3,5 эсеге жана коммерциялык банктардын кирешесинин 21% өсүшү менен камсыздалган.
💼 2025-жылдын биринчи жарым жылдыгынын жыйынтыгы боюнча ишканалардын 60% ашыгы пайда тапса, 15% чыгымга учурады. Жалпы каржылык жыйынтык 39 миллиард сомду түзүп, 2024-жылдын январь-июнуна салыштырмалуу 2 эсеге өстү.
💳 2025-жылдын 1-июлуна карата банктар жана банктык эмес каржылык-кредиттик уюмдардын жалпы кредиттик портфели 476 миллиард сомдон ашты. Кредиттердин 87,6% банк секторуна, ал эми 12,4% банктык эмес каржылык-кредиттик уюмдарга туура келди.
🏦 Кредиттердин негизги багыттары болуп жарандардын керектөө муктаждыктары (жалпы көлөмдүн 34%), соода (24%), айыл чарба (13%) жана ипотека (10,3%) эсептелет.