Найти в Дзене
Башҡортостан гәзите

МХО ветеранының көнкүреше яйлана

Ильмер Фәррәхов Балтас районының Иҫке Балтас ауылында йәшәй. Ул махсус хәрби операция ветераны, инвалидлығы бар. Социаль координаторҙар Гүзәл Бухина менән Гөлшат Нурҡаева ветеранға йортон уңайлаштырыуға ғариза биреп, кәрәкле документтарҙы тапшырырға ярҙам итте, тип хәбәр итә “Ватан һаҡсылары” фондының республика филиалы үҙ төркөмөндә. Хәҙер Ильмер Фәррәховтың өйө “Аҡыллы йорт” системаһы менән йыһазландырылған, ул төтөн, газ еҫен, һыу аҡҡаны тураһында иҫкәртә. Йортта ҡулайлаштырылған эш урыны, функциональ ҡәнәфи, робот-саңһурҙырғыс һәм көнкүреште уңайлыраҡ иткән башҡа әйберҙәр бар. МХО ветераны ярҙам иткәндәре, сифатлы һәм тиҙ эшләгәндәре өсөн “Ватан һаҡсылары” фонды филиалына, социаль хеҙмәткрәҙәргә һәм йортҡа кәрәкле ҡоролмаларҙы ҡуйып биргән ир-егеттәргә рәхмәт белдерә. Мәғлүмәт, фото: vk.com/zashitnikiotechestvarb