III «Китап байрамы» халыҡ-ара китап йәрминкәһенең бер майҙансығында принцессалар дефилеһы үтте. Өфөнөң 111-се гимназияһы уҡыусыһы Эвелина Ғирфанова үҙенсәлекле кейем күрһәтте.
Ул тырыш уҡыусы ғына түгел, ә төрлө яҡлап һәләтле ҡыҙ ҙа: музыка, бейеү менән шөғөлләнә, сит телдәр өйрәнә.
Йәрминкәлә шатланып сығыш яһарға ризалаша. Уның ғаиләһе йыл һайын был байрамға килә, ҡыҙыҡлы китаптар һатып ала. Был юлы Эвелина буш ҡул менән килмәй, алмашыу өсөн бер нисә баҫма килтерә.
Ҡыҙҙың әйтеүенсә, уҡыу йылында ул 150-гә яҡын әҫәр уҡыған. Бигерәк тә классик әҙәбиәтте ярата.