"Хәйерле иртә, Республика!" тапшырыуы һәр эш көнө, Өфө ваҡыты менән иртәнге 9 сәғәт 30 минутта эфирға сыға.
"Хәйерле иртә, Республика!" тапшырыуының бөгөнгө сығарылышы йылы иҫтәлектәргә, хәтирәләргә бай буласаҡ. Ошо көндәрҙә Башҡортостан журналистикаһы һәм башҡорт милли интеллегенцияһы ауыр юғалтыу кисерҙе. "Башҡортостан" дәүләт телерадиокомпанияһының директор урынбаҫары, легендар журналист, беҙҙең етәксебеҙ һәм остазыбыҙ Уйылдан Нурғәле улы Ғәлин арабыҙҙан китеп барҙы. Уға ни бары 45 йәш ине. Ҡыҫҡа ғына ғүмере эсендә бөтә республика халҡының оло ихтирамын, мөхәббәтен яулаған көслө журналист, намыҫлы етәксе, асыҡ, изге күңелле замандашыбыҙ тураһында булыр һүҙебеҙ. Беҙҙә ҡунаҡта — Уйылдан Нурғәле улының хеҙмәттәштәре һәм дуҫтары. Башҡортостан юлдаш телевидениеһының мәғлүмәт тапшырыуҙары баш редакцияһы мөхәррире урынбаҫары Айнур Кәбиров, "Башҡортостан" дәүләт телерадиокомпанияһы алып барыусыһы Флүрә Мурзина һәм Башҡортостандың халыҡ артисы Рәсүл Ҡарабулатов.
Смотрите видео
--------------------------
Присоединяйтесь к нашему каналу Башкортостан 24 в Дзене и поделитесь Вашим мнением о событиях, происходящих в Уфе и Башкирии!
Мы предлагаем Вам актуальные новостные сюжеты, а также свежие выпуски передач производимые холдингом ГТРК «Башкортостан».