Bu bazar, yəni 2024- cü il sentyabrın 1 də Azərbaycanda növbəti deputat seçkiləri baş tutacaq. El dilində desək, artıq seçilmişlərin sadəcə hüquqi seçkisi keçiriləcək. Əslində xalqımız üçün yeni bir hadisə baş verməyəcək. Elə postsovet zamanı da belə idi, bu gün də belədi, sabah da, nə qədər səsimiz həbsdədir belə də gedəcək. Ən azından, heç olmasa bolşeviklər xalq kütləsindən kimlərisə də, deputat kürsüsünə oturdurdular. Digər dövrlərdə iqtidar, istər cəbhəçilər olsun istərsə də yapçılar “özünkülərinə” yol açiblar. Bu bazar da belə olacaq. Alver mənasında yox, həftənin son günü yəni. Mərc gələ bilərik. Gülürsüz, təbii ki, heç Misli.az belə, bu mərcə babat koffisent verməz. Sanki milli Brazilya Zirəyə qarşı. Bircə büdcədən xərclənən pullara heyf. Gədəbəyin yollarına xərclənsəydi daha kafi. MSK nın 2000 – ci ildən sədri olan Məzahir Pənahov öz işinin alayı ustadıdır. İnandırıram aşıq olsaydı bir çoxunun sazını almışdı əllərindən. Amma insaf da yaxşı şeydir, yaş öz işin görür, Ramiz Mehdiyevlə şahmat oynamağın vaxtı çoxdan gəlib. Bir də zəmanə dəyişir, kreativ düşüncələrə ehtiyac var artıq. Yoxsa ki, köhnə hamam, köhnə tas...
Bu gün deputatlığa namizəd seçiciləri ilə qarşılaşacaq. Bayağı mənzərə, mənasız vaxt itkisi. Məndən olsa madəm onsuz da hər şey bəllidi, bu şouyaya bir az rəng qatardım. Gütürək Azərbaycanımızın uğurlara imza atdığı sahələrini. Ordu quruculuğuna söz ola bilməz. Müzəffər ordumuzun tarixi nailiyyətləri göz qabağında. Yadımdadı 70-80 -lərdə orta məktəbin son illərində bizi aparardılar Üç təpəyə “kalaş” dan güllə atmağa, niyə də seçicilərlə görüşdənsə, kişi namizədlərimiz atəş aşmaqla sınağa çıxmasınlar. Xanım namizədlərimiz də şəfqət bacılığının sınağından keçsinlər. İdmançılarımız dünyaya səs salıllar, niyə də kişi namizədləri güləşdirməyək. Xanım namizədlər də bədii qimnastikada sınansınlar. Bax bu olar əməlli başdı şou. Elə ölməz namizədlərimiz var ki, inanın artıq ayıbdı onların vaxtın bu mənasın çoxdan itirmiş görüşlərə ayırmağa. Məndən olsaydı çoxdan Milli Məclisin fontanlardan yuxarı hissəsində, deputat kürsüsündən qopmayan millət elçilərinin adlı ulduzların vurardım döşəməyə. Hollivud ulduzlarından nələri əskikdir. İnanın, Oskar mükafatçıları qələt edir bizim oyunbazların yanında.
Tək-tük səsi çıxan deputatlarımız var idi ki, onları bu dəfə ofsayta saldılar. Ənənəvi yalançı müxalifət, təzə qohumlar, məktəb – instut yoldaşları və.s. Sentyabrın 1-də Xalq yes, very good, all right deyəcək, yəni anlamadığın deyəcək və sonunda bu gün zəmanəmizə layiq, “düdüt Milli Məclisə” olacaq...
Həmsöhbətiniz Aqşin Hidayətoğlu