Ул урамдан үтеп барыусыларға ярҙам һорап мөрәжәғәт иткән. Әллә ниндәй ҙур ярҙам да түгел, ә ни бары гөлләмәгә таҫма бәйләп биреүҙәрен үтенгән. Ошо туралағы видеоны блогер социаль селтәрҙәрҙә һалған. Унан күренеүенсә, Вероника исемле ҡатын Рөстәмдең үтенесен кире ҡаҡмай, шунда уҡ ярҙам иткән. Әйткәндәй, ханым блогерҙы шунда уҡ таныған. Ҡатындың ярҙамына Рөстәм Нәбиев ошо уҡ гөлләмәне бүләк иткән. Вероника исемле ҡатын бик ҡыуанған, Нәбиевтарҙың ғаиләһенә ныҡлы сәләмәтлек, именлек теләгән. Акция тураһында Рөстәм Нәбиев үҙе былай тигән: “Һүҙҙәребеҙ, уйҙарыбыҙ, эштәребеҙ һәм хис-тойғоларыбыҙ ярҙамында донъябыҙҙы яҡшыраҡ итәйек. Кешеләргә йылмайыу, бәхет бүләк итәйек. Тормошто яратайыҡ”. Рөстәм Нәбиевҡа афарин! Ошондай матур акциялар күберәк булһын ине! Фото: видеонан скриншот.