Өфөлә патриотик әҫәрҙәр ижад итеүгә арналған “Заман ауазы” әҙәби конкурс еңеүселәре бүләкләнде. Әҙәби бәйге башҡорт, рус һәм татар телдәрендә ижад иткән профессиональ яҙыусылар араһында уҙғарылды. Конкурс республика Башлығы Радий Хәбировтың башланғысы менән Башҡортостан Башлығы гранттары фонды булышлығында Яҙыусылар союзы тарафынан уҙғарылды. “Ил яҙмышы – һәр яҙыусының ижадында һәр ваҡыт төп тема, – тип һыҙыҡ өҫтөнә алды Яҙыусылар союзы рәйесе Айгиз Баймөхәмәтов. – Ә бөгөн был конкурс бығаса булмағанса көнүҙәк. Беҙгә халыҡта илһөйәрлек рухын күтәреү өсөн лайыҡлы әҫәрҙәр ижад итергә кәрәк, улар инде киләсәктә дәүер тауышы буласаҡ. Ижади бәйгелә Башҡортостандың билдәле яҙыусылары ҡатнашты һәм дүрт номинацияла еңеүселәр билдәләнде: “Ҙур проза” (роман, повесть), “Бәләкәй проза” (хикәйә, эссе), “Шиғриәт” (шиғырҙар циклы, поэма), “Балалар өсөн иң яҡшы әҫәр”. Бүләк фонды 1 200 000 һум тәшкил итә. Еңеүселәргә китаптар сығарыу өсөн аҡсалата сертификат тапшырылды. “Шиғриәт” номинацияһы: I урын – Лариса Абдуллина, "Минең халҡым – минең Ватаным”. 150 мең һумлыҡ сертификат. II урын – Зөһрә Ҡотлогилдина, “Блокада” поэмаһы. 100 мең һумлыҡ сертификат. III урын – Александр Хватков, “Есть на свете такая страна...” шиғырҙар циклы өсөн. 50 мең һумлыҡ сертификат. “Ҙур проза” номинацияһы: I урын – Мәүлиҙә Әхмәтйәнова, “Мәскәү ҡыҙы” романы өсөн. 200 мең һумлыҡ сертификат. II урын – Гүзәл Ситдиҡова, “Сал сәсле малай” повесы өсөн. 150 мең һумлыҡ сертификат. III урын – Айбулат Сәсәнбаев, “Патриот бабай” повесы өсөн. 100 мең һумлыҡ сертификат. “Бәләкәй проза” номинацияһы: I урын – Миләүшә Хәбилова, “Мираҫ” хикәйәһе өсөн. 150 мең һумлыҡ сертификат. II урын – Фәрзәнә Аҡбулатова, “Еңеү ҡанаттары” хикәйәһе өсөн. 100 мең һумлыҡ сертификат. III урын – Зөлфирә Ҡаҙаҡбаева, “Геройҙар ваҡыты” хикәйәһе өсөн. 50 мең һумлыҡ сертификат. “Балалар өсөн иң яҡшы әҫәр” номинацияһы: I урын – Рәмзәнә Әбүтәлипова, “Еңеүебеҙҙе яҡынайтабыҙ” шиғырҙар циклы өсөн. 150 мең һумлыҡ сертификат Фотолар: Башҡортостан Яҙыусылар союзының матбуғат хеҙмәте.