13-15 мартта Өфө вуз-ара студенттар кампусында Бөтә донъя йәштәр фестиваленең төбәк этабы – “Эшлә!” фестивале үтә. - Фестивалдең төбәк этабы күп милләтле республикабыҙҙың мәҙәниәттәре диалогын үҫтереүгә яҡшы этәргес буласаҡ. Сара йәштәрҙең йәмғиәт мәнфәғәтендәген башланғыстарын танытыуға юлдар асасаҡ, - тип билдәләне БР Йәштәр сәйәсәте буйынса дәүләт комитеты рәйесе вазифаһын башҡарыусы Вито Сабиров. “Эшлә!” фестивалендә Бөтә донъя йәштәр фестиваленең ҡатнашыусылары һәм ирекмәндәре, Башҡортостан Республикаһында йәшәгән 14 йәштән 35 йәшкә тиклемге йәштәр, студенттар, шул иҫәптән беҙҙә уҡыған сит ил йәштәре, йәштәр ойошмалары вәкилдәре һәм белгестәре ҡатнаша ала. Һылтанма буйынса үтеп теркәлергә мөмкин: https://forms.yandex.ru/u/65e5dc1384227c0e23584835/ Белешмә өсөн: Кампус төҙөлөшө РФ Президенты Владимир Путиндың ҡушыуы буйынса һәм Рәсәй Фән һәм юғары белем биреү министрлығының “Фән һәм университеттар” милли проектын тормошҡа ашырыуға ярашлы алып барыла. Өфө кампусы проекты – ул 4,3 мең кешегә иҫәпләнгән торлаҡ биналары, уҡыу-фәнни комплексы, лабораториялары, эшлекле биләмәләре, магазиндары, уңайлы скверҙары һәм башҡа төрлө уңайлы ҡала мөхите объекттары булған студенттар киңлеге. Улар менән Өфө халҡы ла, баш ҡала ҡунаҡтары ла файҙалана ала. Сығанаҡ: pravitelstvorb.ru