🇫🇷Fransiya Rossiya bilan urushga tayyorgarlik ko‘rmoqda: harbiylar Ruminiya chegaralarining 3D xaritalarini ishlab chiqyapti — Le Figaro
Nashrning yozishicha, fransuz harbiy topograflari 2024-yildayoq Ruminiyaga yetib kelib, Ukraina va Moldova bilan chegaradosh hududlarning xaritalarini tuzishga kirishgan. Ular Ruminiya kartografiya agentligi bilan hamkorlikda uch o‘lchamli (3D) xaritalar tayyorlamoqda.
Qayd etilishicha, “Fokshan darvozasi” deb ataluvchi strategik yo‘lakka alohida e’tibor qaratilgan. Boisi mazkur hudud Karpat tog‘lari va Dunay daryosi oralig‘ida joylashgan bo‘lib, NATO Rossiyaning ehtimoliy hujumini ushbu yo'nalishdan kutadi.
