Авăркас районĕнчи Толбазă ялĕнче пулă тирпейлемелли цех хута янă. ПР Правительствин пресс-служби пĕлтернĕ тăрăх, производствăн планпа палăртнă хăвачĕ – уйăх пуçне 15 тонна продукци хатĕрлесси.
- Авăркас районĕнчи потребительсен обществи (райПО) потребительсен кооперацийĕн пур çул-йĕрне те – производство, суту-илÿ, обществăлла апатлану, хатĕрлев ĕç-хĕлĕ – сыхласа хăварма пултарнă, - палăртнă ПР суту-илÿ тата çăмăллăхсем паракан министр Алексей Гусев.
Цеха çĕнетес тата юсас ĕçе 2023 çулхи июль уйăхĕнче пуçланă та октябрь уйăхĕнче вĕçленĕ. Ку проекта 14 млн тенкĕ хывнă.
Цехра ĕçлекенсем валли тата пахалăхлă та хăрушлăхсăр продукци туса кăларма СанПин ыйтнине тивĕçтерекен паянхи саманапа килĕшÿллĕ пур условисене те туса панă.
Унсăр пуçне пилĕк хушма вырăн та хатĕрленĕ. Малашне предприяти производство калăпăшне ÿстерме, унсăр пуçне тата виçĕ ĕç вырăнĕ уçма палăртать.
Авăркас район администрацийĕн пуçлăхĕ Арслан Шагаретдинов сăмахĕсем тăрăх, асăннă проекта «Пĕчĕк тата вăтам предпринимательство» наци проекчĕн витĕмĕпе районти «Предприниматель сехетĕнче» ырласа йышăннă.
- Муниципаллă программа витĕмĕпе субсиди уйăрнă. «Пищевик» ПО (потребительсен обществи) ĕçченĕсем шкул апатланăвĕ валли çурма фабрикатсем хатĕрлĕç, - тенĕ Арслан Шагаретдинов.